英格蘭-歸英-min

英格蘭 熱與歸英問題

英格蘭 一直係香港人嘅愛隊,但今年世界盃 英格蘭 罕見入四強,加上依家香港嘅政治情緒,特別球迷睇波睇到聽到天祐女皇都肅立果陣,其實大家知道依家香港呢一代人嘅政治認同係點嘅一回事。甚至歸英呢個問題,其實應該認真討論。

英格蘭 熱一葉知秋

英格蘭 熱唔係勝利球迷嘅產品,特別今年 英格蘭 認為陣容唔強,唔似係攞到世界盃果個格,但 英格蘭 突然打得起,加上香港人對中國反抗情緒高漲,如果今年 英格蘭 攞到盃,係有機會再進一步激起社會親英情緒。正如法廣報導中,喺倫敦嘅香港年青人,問彭定康勳爵可以去邊度。其實答案已經好明顯,我唔想畫公仔畫出腸。香港遲早發生歸英運動,係大規模歸英運動,所以泛民仲係大中華膠,遲早變得唔受歡迎都係呢個原因。依家中國犯嘅錯誤,同俄國喺土爾扈特蒙古犯嘅錯誤係大致相同。

當然,香港歸英有好多問題,法理問題仲相對小事,依家未知支爆係點爆,同埋英國就算用依家近乎俾自治領位置方式回歸,香港人有無能力治理自己,如果英國泥菩薩過江自身難保,係唔係一定要歐盟其他國家協助,特別對香港異常有興趣嘅德國,呢啲問題都係需要去克服同討論。當然,實有啲仆街阻止呢啲認真討論發生,所以我對香港問題自己都覺得好疲倦,但我睇到社會氣氛同情況係,年青人最終會希望歸英,而呢股情緒已經醞釀成熟準備爆發,啲喺英國呃緊藥食嘅五毛,話英國人係契弟都係執行唔到柯打,客觀事實不為主觀意志所轉移。呢啲問題,唔好話香港,英國都準備唔夠,所以肥彭答唔到果位年青人係可以理解得到。

最後客觀講波,講真, 英格蘭 對克羅地亞,我個人信心唔大,因為克羅地亞果個係鋼門中嘅鋼門,Pickford當然都係今年世界盃首屈一指嘅龍門,屢救險球,但克羅地亞嘅 Subašić 有係超人意志,十二碼大戰最後打嘅係意志,傷咗都撲出俄佬十二碼,十年嚟都著住印有亡友相片嘅衫出戰球賽,呢啲意志係十分之嚇人。除非 英格蘭 隊可以打得起邱吉爾年代果種時代精神,另計。但呢種精神,多少係戰爭激起嚟嘅產品。

One thought on “英格蘭 熱與歸英問題

  1. 交出香港給英國管治,解決中美新冷戰!
    當初中共以為中美貿易戰的 Trump 是一個商人,要搵中共油水,點知放個太監過去講,以因為講掂,轉個頭又去加入口稅,500億,2000億,3000億,個勢根本就不是錢咁簡單。

    中共的 一帶一路,南海,武統台灣,亮劍,不忘初心…. ,根本就是要輸出北京模式全世界,以取代普世價值,同美國爭霸!

    早一排,美國國防部長見習小帝 ,被安排在人民大會堂福建廳見面,好明顯是談台灣問題! 中共國可能要武統台灣,以建立習小帝帝位,不過習小帝表示:「老祖宗留下的土地一寸也不能丟」! 更可笑是後來竟然派出文工團招呼,中共國自大無知到玩弄美國國防部長,場面十分東莞化。 其實這是最後談判,
    中共國最後機會,新中美冷戰正式開始。 https://www.youtube.com/watch?v=CWeDVQRWJEE

    在新中美冷戰下,可以說中國要對付的是全個西方,中共可能未支懪前就被軍管,中國大陸會就完全自我孤立,現在中共國依靠大量外國糧食入口,如果出問題,真是又一場糧食危機。去看看中共國今次對美國增加的稅,竟然大部分是糧食(大豆),天下有哪一個國家會用自己人民的生存去和別國爭?

    中共國要盡快把香港給回英國,以便張來有一篇窗口呼吸,同時保留中共國高層的財富。如果英國拒絕,咁就要搵台灣接收了,最小中共國可以說香港治權給台灣,等香港好似金門一樣,同時等台灣慢慢接受一國兩制。

發表迴響

你的電子郵件位址並不會被公開。 必要欄位標記為 *