血壓藥回收-min

血壓藥回收 :中國製造影響健康

大批公立醫院開出嚟,由歐洲公司買中國原料製嘅血壓藥要回收,因為受致癌物質污染,就算Stada(德國嚟講學名藥其中一間大廠,另一間就係Novartis旗下嘅Hexel AG)喺越南廠造都中招,因為原料污染。 血壓藥回收 ,其實反映咗中國製造有乜問題。

血壓藥回收 背後乜嘢事

唔好鬧香港醫管局處方學名藥慳錢,英國NHS以至德國都好興咁做,要壓縮公共醫療開支,係難免用學名藥,只不過呢,學名藥監管係另一回事。好似呢次中招兩間大廠,一間係以色列大廠(唔係冰島,被人買咗),一間係德國大廠,但佢地出口去遠東市場,就賣由遠東製造或提供原料嘅產品,迴避歐洲或美洲嚴格監管,結果咪食學名藥食到中招。特別中國果啲OEM廠,以差不多先生嘅態度經營間公司,果啲化學成分係唔係適合入口,佢地根本唔理,或者果啲化學成分足唔足都唔理,所以有時候,香港買藥食,好似食極都無效咁,但喺外國買嘅又正常番,唔係心理作用,而係中國人嘅營商方式問題所致。

所以我唔反對入學名藥,但唔應該再向印尼、印度、中國呢啲國家入學名藥,或入由呢啲國家製造嘅原料造嘅學名藥,因為呢啲國家就係慣咗求其馬虎嘅態度,講真,唔出事就出奇,一係向日本、韓國呢啲國家入,台灣都可以考慮,一係向歐洲入好過,甚至係跟番晒NHS買乜就買乜,以歐洲嘅零售價嚟睇,運嚟香港未必要好貴,好似Nurofen(一隻常見止痛藥),香港入英國原裝好合理,因為英國原裝版,唔係學名藥版都好平,學名藥版甚至講緊英國製都好都係一英鎊左右,咁你仲問中國買原料或中國製藥物,就盞收買人命。

當然,如果唔係香港商人自已態度都仆街,其實最正確做法係發展香港嘅學名藥工業,以中國人對中國製藥物嘅不信任,香港賣歐洲學名藥,或者香港自製學名藥都大把市場,又係另一個就業來源,只不過,以香港人果種急功近利,兼且唔見棺材唔流眼淚嘅性格,呢啲嘢堅係識條鐵,俾林鄭月娥、梁振英呢啲友仔,巧立名目搞啲大灣區乜乜乜項目,就更加之無謂了。

2 thoughts on “血壓藥回收 :中國製造影響健康

  1. All chi medicine sales went to and usually stayed in hospitals in their working times on everyday to mark every doctor and gave samples to them and then those doctor willing to buy their medicines for using in hospital. Some doctors even resigned and changed their job become one of chi sales.

  2. 世澤兄:

    十分同意, 稍作補充兩點:

    1. 藥物以化學工藝製作, 乃科技產品, 作用於人體, 稍有偏差, 事關人命, 根本不應信任 “美其名曰發展中國家” 之落後國家 / 失敗國家 / 專制專權地區 / 無恥造假大國, 不論價錢如何.

    2, 藥物不論命名方式如何, 應該只用原版, 除非原版無法取得. 化學工藝製作過程中, 不同步驟對誤差之寬容度可以大有分別, 而佔比低之副料, 更可能經修改後不為外界所知, 足以影響藥效或產生不良副作用.

發表迴響

你的電子郵件位址並不會被公開。 必要欄位標記為 *