新昌-min

新昌 與土瓜灣站

土瓜灣站懷疑用建築廢料偷工減工,三星-新昌 聯營公司出嚟回應,指果啲係石屎頭,用嚟責番實個站,又話呢種做法係環保,可以減少建築廢料送去堆填區,但又同石屎嘅重量差唔多。如果果間係其他建築公司,我或者已經俾佢過咗關,但呢間係 新昌 ,佢同中國建築係同一級別嘅大劑公司,公眾無乜理由唔窮追猛打。而記者又無去跟,要我呢個住咗喺德國嘅友仔去跟,簡直係黐線。

新昌 財困搞掂未?

新昌 如果仲係葉謀遵家族掌政果陣嘅 新昌 ,或者都無咁膠,但依家 新昌 係一間債務違約,同緊同解放軍關係密切嘅保利集團傾緊賣殼嘅公司,根據上個月 新昌 發出嘅公告,依家呢間公司有三億美金嘅票據,年息成八厘果啲,係債務違約唔能夠依約償還,我想問一份咁嘅公司,你居然信佢無偷工減料,三星 新昌 聯營,都隨時要韓國三星集團出嚟頂(無錯,出曉爆炸嘅Galaxy Note 7果間三星,你無睇錯logo呀),不過三星集團咁大份,頂得起,但韓國建築公司啲仆街嘢都係好鬼有名,否則韓國唔會有唔少果啲建築工程有關嘅慘劇。所以,依家 新昌 三星聯營嘅土瓜灣站,成個建築工程根本係信唔過,如果唔用特權法嚟查,根本係唔會搵到真相,所以如果係我,齋係土瓜灣站嘅情況,以及承建商嘅背景,我返香港一定唔會坐沙中線,大佬,堅係活埋咗都唔知乜事,依家成個組合同背景,堅係有齊所有災難片嘅元素。

所以香港班土共,除咗仲有少少良心嘅田北辰,全部反對用特權法嚟查沙中線嘅連串失誤,呢班友簡直係喪盡天良,一旦沙中線出乜嘢事,攞晒呢班土共同佢地後面班仆街去沙中線現場活埋就差唔多。依家係十分之明顯,中國建築係慣咗偷工減料, 新昌 就自己財困,根本隨時一個唔該執笠就沙中線工程點完成,或者出咗乜事搵邊個賠都無人知。至於果啲中資公司收購 新昌 ,一方面依家 新昌 已經係中資公司,否則唔會作風搞到咁,另一方面,中國仲有無其他央企有能力接呢個火棒都係問題,大佬,大家都知支爆係爆緊果隻,否則唔會五月話default到依家都未收科嘅話。

發表迴響

你的電子郵件位址並不會被公開。 必要欄位標記為 *