KOL-速成-min

KOL 速成班係呃邊個

我雖然唔係乜嘢 KOL ,但我都知道,要做 KOL 其實不外乎內容嘅耐心經營,甚至係回歸SEO,以及網站管理嘅基本功。創業都要培訓,本身已經係荒謬(我自己未聽過創業都要培訓,仲可以搵錢),但更荒謬嘅事係網紅 KOL 都可以速成,仲要話乜嘢要做中國市場,又同前海有關,呢啲荒謬到爆嘅嘢,我唔出嚟篤爆都唔得。

中國 KOL 經濟根本係唔健康

KOL-速成-min
KOL-速成-min

呢個 KOL 速成嘅post,我睇完覺得好飽。首先,正確嘅 KOL 經濟,其實係建基於言論自由,仲要唔可以有一堆收錢五毛喺度影響輿論交流。本來中國嘅 KOL 經濟就係黐線,所以 KOL ,根本唔係乜嘢opinion leader,其實講嚟講去,就係以往諗住用Blogger昆一堆人買嘢果啲仆街招數,無錯,拿福能果啲招數,出業配文,拿能福係乜嘢,你問卓澄最清楚,你唔知卓澄係乜水,我估我打倫敦人西四個字,你知佢乜水。基本上,依家中國嘅 KOL 經濟就係製造收水寫嘢嘅仆街,鼓吹呢啲嘢嘅人,本來就係過街老鼠,仲乞人憎過果啲開Facebook廣告投放班果啲茂利。Facebook廣告投放班,果啲最多係鄧幹廉嚟啫,但依家 KOL 速成班,最終結果,就係製造大量收水寫嘢嘅網絡五毛黨。

當然西方嘅 KOL 經濟都有佢問題,最核突係啱啱初出果啲 KOL ,就去問酒店等R嘢住,我懷疑有啲人嘅R紙袋行為,就好學唔學,壞嘢學盡果啲。但健康嘅 KOL 經濟,除咗靠Google Adsense或YouTube廣告,其實唔係靠賣嘢,自己個blog行收費制度,呢個亦係美國玩法,根本唔駛話要乜嘢放眼中國市場,賺乜嘢果十幾萬、億人民幣,做好自己內容,其實有一定訂戶已經可以令到件事健康成長,但呢啲係要下苦功嘅,需要時間同紀律。依家乜都即食麵,所以香港網界受中國呢啲不良風氣影響,乜都可以被玩殘,由Blogger、網台、網媒等等,無一不例外,因為一窩蜂加急功近利,就會死人無數。

所以我依家見到呢啲搞壞風氣友仔,見一個打一個,香港真係多得佢地唔少。

發表迴響

你的電子郵件位址並不會被公開。 必要欄位標記為 *