Garden Bridge-min

倫敦人妻咪亂將 Garden Bridge 同元朗條行人天橋比

由於香港同英國嘅深厚淵源,評論香港政治難免要攞英國比照。只不過,如果果條友根本唔識英國政府,或當地實際情況就亂嗡一通,成件事就好核突。好似倫敦人妻(卓澄)呢件五毛,將元朗條行人天橋,同倫敦 Garden Bridge 被取消呢件事嚟比,根本唔係 Apple to Apple,唔該要佢早抖。

Garden Bridge 同元朗條行人天橋係兩回事

元朗條行人天橋貴到爆,有可能有人乘機搵水,只不過 Garden Bridge 同元朗條橋係兩回事嚟。 Garden Bridge 係本來要喺倫敦市中心 Temple Underground站做起點,跨越泰晤士河到南岸。呢條橋唔係用嚟疏導啲人流,因為單車要dismount,天橋要有十二日封閉做商業event維持天橋維修費用。佢係一個公私合營的公園, Garden Bridge 係一間保證有限公司擁有,本來主要經費來源,1億4千萬英鎊係嚟自私人籌款,倫敦交通局(Transport for London)同英國交通部各出三千萬英鎊。 Garden Bridge 項目,簡單嚟講,唔係交通項目,係旅遊兼一個公園項目嚟。成個項目拉倒,因為 Garden Bridge Trust 根本籌唔夠錢,同埋成個business model weak到爆,倫敦市政府隨時要孭晒成個維修費用,同原本成個project原意唔同,獨立顧問報告鬧爆,咁咪長痛不如短痛。 Garden Bridge 衰咗,係成條橋財務分析搞唔掂之過,本來諗住公私合營可以有個泰晤士河上嘅公園,最後財務上失敗,英國任何policy,做唔到Terms of Reference要求就要執咗佢。我作為保守黨員,我只會批評黨友,依家外相Boris Johnson無好好籌款爭取商界支持。

元朗果條橋,無錯好貴,但元朗行人天橋貴,係一個技術問題,因為條橋係疏導人流用,反而要考慮問題係,元朗成百米深嘅溶洞,喺技術上有無得避,如果地底溶洞根本無得避,地質問題搞到貴,邊方案都一樣嘅話,就回歸基本步,可以減少幾多車流,鼓勵幾多行人使用至係重點。即係好似瑞士起火車隧道,全世界都知貴爆,但瑞士全國都係阿爾卑斯山,唔通唔起咩,幾肉痛都要磅水㗎喇。

卓澄呢條友,真係蝦人唔睇英國新聞,我睇完之後,我心諗,你條友返去執笠吧。住咗成兩年對英國倫敦政治了解都可以搞到亂晒大籠,呢啲友仔真係出嚟呃鬼食豆腐。唔係太認識英國公共行政同政治點玩,唔該就唔好喺度招搖撞騙。

One thought on “倫敦人妻咪亂將 Garden Bridge 同元朗條行人天橋比

  1. 黃先生你好,我係你嘅讀者。我見到人西先生嘅真面目。URL:https://mr9west.wordpress.com/2018/06/16/傾國傾城卓澄/ 我見到呢個blog有寫人西先生嘅膠行為同埋個blogger都寫埋Chris Wong同人西先生係同一個人。

發表迴響

你的電子郵件位址並不會被公開。 必要欄位標記為 *