王健

王健 之死越嚟越似係謀殺

王健 突然喺法國普羅旺斯死咗,不單只有可能令海航集團陷入重大危機,但更大問題係, 王健 因乜理由死?呢單嘢令海南航空隨時變成中國版嘅一馬公司,而 王健 死前嘅訪問,以及 王健 並無送到普羅旺斯當地最大嘅醫院,更引起懷疑。

王健 訪問耐人尋味

王健 可以講係做海航以嚟從來唔做訪問,所以突然做訪問,仲要爆出一句「如果別有用心的人來害你、搶你。你給不給?你告訴我怎麽辦?」,相信可能係佢已經預知佢係無法控制海航系,甚至自己都生命不保。相信佢去普羅旺斯唔係去遊埠,而係去講數,否則唔會喺教堂咁死法,相信要跳樓死都唔會係咁死啩,畢竟要跳樓嘅地方太多,依家 王健 可能係談判失敗後被殺,呢個可能性唔可能排除,如果呢單嘢喺德國發生,我相信德國警察唔會hea成咁,揀法國做講數嘅地方,係多少有理由。唔係法國政府隻眼隻開閉,而係法國警察果種查案態度,特別法國鄉郊地區警察嘅態度,係中國人落手殺手最好嘅地方,所以如果你叫我無喇喇去法國,我真係死都唔制。 王健 嘅訪問,好可能係一個公開嘅不自殺聲明,而相關傳媒知道 王健 一死就放出嚟,某程度上, 王健 知道自己劫數難逃。

但另一件事令人感覺 王健 係被謀殺,就係普羅旺斯當地嘅大醫院,都無收過一個姓陳嘅病人或死者,就更加令人懷疑 王健 係咪被人殺死,因為如果有人殺人,其實被主治醫生問兩問隨時已經浮出真相,所以 王健 嘅死係越嚟越多問題喺背後。好多人用陰謀論去睇,認為呢單案係一單謀殺案,呢個係對中共政治有常識嘅人都會有嘅睇法。

當然, 王健 死咗會唔會天下太平?梗係唔會,一方面有更多懷疑出現,另一方面, 王健 咁死法,依家好多海航債權人檢討海航嘅債券投資,或其他融資,好大機會出現大call loan,其實有可能令海航死得更快,海航一爆,就係支爆嘅重要一幕,屆時香港同中國嘅金融市場唔屍橫遍野至怪。只不過,海航有問題,我呢度講咗n次,好多人都當我講支爆係純粹一廂情願,依家出現 王健 之死更大單嘢,就知道依家邊個睇得準啲。啲五毛唔知會唔會為自己講嘅嘢負責。

發表迴響

你的電子郵件位址並不會被公開。 必要欄位標記為 *