劉特佐-min

邊個俾情報 劉特佐 令佢可以去澳門

喺納吉被捕後, 劉特佐 幾時被拉成為十分關鍵嘅事。雖然馬來西亞移民局已經喺6月16日取消咗 劉特佐 嘅護照,但 劉特佐 仍然可以喺馬來西亞警方搵到佢前去到澳門。由於澳門同馬來西亞無引渡協議,即係 劉特佐 呢條仆街可以一路留喺澳門。

劉特佐 得到中國同香港政府包庇

呢件事有一個關鍵問題,就係 劉特佐 點解可以無有效護照嘅情況下離開香港前往澳門,同埋邊個俾情報 劉特佐 ,令佢可以早馬來西亞警方一步離開香港。依家其實答案係好清楚,就係香港政府向 劉特佐 簽發香港身份證,令佢可以縱使馬來西亞護照失效情況下可以前往澳門,跟住相關情報,就梗係由香港政府提供俾 劉特佐 ,因為馬來西亞警方要嚟香港搵人,一定要通知香港警方同尋求香港警方協助,但依家中國共產黨同納吉件仆街蛇鼠一窩,就梗係會通知 劉特佐 ,叫佢快啲買船飛走佬。隨時澳門隨即向 劉特佐 簽發澳門身份證,屆時 劉特佐 想住幾耐都得,甚至如果澳或港兩地政府簽特區護照俾 劉特佐 ,無左本馬來西亞護照對 劉特佐 根本一啲都唔在乎。

所以香港人有必要向保安局問清楚,究竟 劉特佐 係幾時離開香港,同埋邊個俾 劉特佐出境,以及佢揸乜文件出境,呢件事無香港政府份,真係打死我都唔信。而澳門政府,亦有責任解釋,究竟 劉特佐 可唔可以喺澳門逗留,如果佢被定為澳門不受歡迎人物,唔該遞邂佢出澳門,免得累人累物,如果港澳兩地政府都無解釋嘅,咁件事就十分之清楚明白,就係兩地政府收咗柯打要包庇 劉特佐 ,咁香港人同澳門人,都可以準備換過晒啲護照至好出門。

香港同澳門咁樣包庇 劉特佐 ,甚至未來向 劉特佐 簽發護照唔係無後果, 劉特佐 呢啲人渣係唔可以包庇,一旦包庇,就全世界各國政府對特區護照將會有十分之唔同嘅睇法,屆時香港人同澳門人嘅免簽安排,睇嚟都係凍過水。所以香港人依家都無得唔關心一馬案,因為一馬案已經危害緊香港人嘅切身利益,而香港人同澳門人,依家好明顯乜事都唔知,中國係咁用香港同澳門嚟做白手套,香港同澳門呢鋪都係凶多吉少,仲話搞乜嘢一帶一路,帶住條死路就有份。

One thought on “邊個俾情報 劉特佐 令佢可以去澳門

發表迴響

你的電子郵件位址並不會被公開。 必要欄位標記為 *