九巴-飛站-針-min

九巴 座位拮針案:飛站無從監察點搞

九巴 近排頻頻有乘客屁股被針拮,案件十分之膠,警方終於拉到人,但案情更膠,話說30歲疑犯懷疑唔滿意 九巴 頻頻飛站,存心報復,所以喺座位係咁插針入去。當然理由,我聽到都覺十分之膠,但 九巴 同香港專利巴士缺乏監察嘅問題,又確係必須要解決。

九巴 開放晒實時車輛數據先

九巴 又好,新創建旗下巴士公司都好(即係新巴同城巴),都係視實時巴士運行位置數據係商業數據,打算用嚟賣唔公布,但呢啲巴士公司既然係專利巴士公司,佢地嘅營運數據,根本唔係私產,而係公眾利益下必須披露嘅資料,如果有人可以透過 九巴 同城巴、新巴數據,知道呢啲專利巴士公司收起啲車,飛站等情況,你估駛鬼有狂徒嬲得滯搞到四周插針拮乘客屁股?依家呢單案,已經接近係的士判官果一類嘅行為,呢類攞乘客屁股靠飛嘅行為,係抵鬧嘅,應該受到法律懲罰,你唔鍾意 九巴 唔係攞乘客嘅屁股出氣,只不過, 九巴 無人監察呢個問題,根本亦都要重視,否則遲早盞嚟多幾單呢啲巴士判官案件,唔拮屁股咪玩刑毀。雖然比對起Deutsche Bahn經常有列車被人塗鴉嘅情況,香港無乜巴士被塗鴉,其實香港人都堅係好守法果隻。(亦都可能係九巴嘅保安做得好)

如果運輸署係堅做嘢,第一件要 九巴 同新巴、城巴糾正飛站問題要做嘅事係開放晒啲巴士實時營運數據,啲車實時GPS數據係應該公開,一如航空公司啲行蹤數據,某程度上係公開一樣。

當然,如果 九巴 或城巴、新巴死都唔肯公開都唔緊要,如果我係運輸署署長,日後專利巴士要出牌,必須安裝技術概念類似ADS-B一類裝置,會broadcast實時行蹤,公眾自己買receiver接收數據,再進行監察,我睇屆時 九巴 仲有無嘢玩,呢啲技術做得好,全世界巴士或火車都要安裝,簡直係功德無量。如果堅做創新科技,其實係應該咁做,用法規同技術迫專利巴士公司提高營運透明度,呢個亦係對乘客真係有好處嘅事。只不過依家陳帆同楊偉雄兩件廢柴收香港人咁多人工,每日返工係做乜春嘅呢,我都想知,睇嚟呢兩件白痴都係白𢭃人工多啲。

2 thoughts on “九巴 座位拮針案:飛站無從監察點搞

  1. 九巴可能以為官方應用程式有咗預計到站時間就可以偷工減料,啱啱又發現即將要搭嗰條路線又偷工減料。

發表迴響

你的電子郵件位址並不會被公開。 必要欄位標記為 *