歐盟新版權法-min

歐盟新版權法 :連結稅問題

歐盟新版權法 正喺歐洲議會審議緊,其中有啲條文,例如必須確保User Generated Content 合符版權,搞到維基百科隨時一鑊泡,所以維基百科意大利文、西班牙文等部分,暫時關閉以示抗議。當然,對UGC嘅管制,永遠有得拗,但 linking tax 呢樣嘢,即係Search Engine或Facebook link我嘅嘢,我可以收番錢,某程度上,我係贊成。

歐盟新版權法 嘅緣起

美國訂版權法,好多時都係為大公司著想,但歐盟係另一回事,linking tax對啲大media未必想收,因為佢地可以靠廣告,或起個paywall出嚟搞掂。呢個,其實係保護啲小作家或獨立嘅報章。歐盟有啲國家,係有特別照顧文化人嘅福利,例如德國做作家要交嘅醫療保險費,係有國家補貼,呢樣嘢幾乎係德國獨家,同埋德國對文化人嘅稅務處理係唔同,亦因為咁,所以佢地有責任要令文化人有飯開,而依家小網站,或傳媒,Google Adsense未必有佢地份,或分得好少,又未必有條件行paywall制,但Google Facebook等link咗佢地嘅嘢,佢地等同白寫,咁樣邊個最受害?梗係政府。所以呢項立法,推動都係德國選出嚟嘅MEP,呢樣嘢係好有解嘅,因為歐洲係政府會保護文化人權益。

當然,我唔會想吓吓用呢啲法律,只不過,喺網上廣告嘅餅無法分到內容生產者,而有啲傳媒機構,亦唔可能用paywall果陣(paywall事實上亦涉及唔少行政管理工作),咁歐盟新版權法,都不失為一個嘗試。當然,linking tax點計錢又係問題,因為搞出類似IFPI呢啲版權收數佬一樣無意思,呢啲版權代理就真係蠶食版權擁有人嘅利益,香港IFPI、CASH呢班友啲仆街嘢,我見得太多,到依家,我都只係明報同信報出過嘅文,如果想用版權,你自己搵報館傾,因為報館做我嘅版權代理。當然,我都未計香港果啲更等而下之嘅抄報,否則我都唔會最終的起心肝,喺起bno果個網站同時起埋member個網站。

寫字嘅人都要食飯,呢個問題應該係未來版權法律嘅焦點。

仲有,如果你用信用卡或Paypal訂閱,可以喺呢度訂:https://member.martinoei.com/checkout/?rid=pIOrwc

部分舊Paypal或Whatsapp訂戶,等多我一至兩日,我將你們嘅資料整合入新系統。

發表迴響

你的電子郵件位址並不會被公開。 必要欄位標記為 *