海航-min

海航 王健 之死無可疑?

財政一直出問題嘅 海航 ,集團嘅董事長王健,突然間話喺法國普羅旺斯遊覽,爬上教堂影相果陣跌死咗,喺十五米跌死,呢單嘢十分之奇怪,因為點會無啦啦爬喺教堂矮牆影鄉村風光,跟住就跌死喺十五米下,呢單案比李旺陽被自殺更離奇,相信王健之死其實係有可疑,只不過喺法國法律嚟講,處理唔到呢啲「自殺命令」咁解。

海航 似乎黑過墨斗

中共一直相信,死人把口係最密,所以 海航 王健突然間跳教堂,以王健嘅董事長位置,應該佢會知道好多黑錢有關嘅事,正因為王健嘅位置重要,而王健嘅任何嘢爆出嚟,結果都會係支爆,甚至導致世界金融秩序動盪,所以黨要求佢要死,佢係不能不死,佢唔喺教堂影相死,都會有好多死法等住佢,中共呢家嘢,都真係黑過黑手黨果隻。

所以法國警方話死因無可疑,只不過因為佢無遺書,又係跌死,只好相信佢係意外死,仲要呢啲教堂多數無閉路電視,死前佢發生乜事都唔知,所以送院期間一度甦醒,佢只係講咗句「腳痛」,無錯,據聞董建華仆街離開政府嘅原因,都係同一個原因,熟悉中共政治嘅,對呢啲嘢都係堅係盡在不言中。

仲有人依家唔信呢個世界有支爆,連 海航 王健死埋都唔信有支爆,你樂觀成咁,我幫唔到你喇,但依家 海航 搞成咁,我之前警告港航同HK Express啲機票可能有問題,依家咁大機會噩夢成真就自己執生。更重要係,依家可能係逃離支爆影響嘅最後機會,你可以點保住自己,你自己諗,例如將存款撤到海外(呢啲留番月費網站講,都開始講緊),或者如果你有流動低資產喺香港,你依家就要安排出售呢啲資產,並且諗辦法將錢匯到海外,因為一旦有乜政經因素影響,你連錢都匯唔出去,或者資產賣唔出去,係無人可憐你,依家仲有人為咗造市,願意同你用唔合理嘅價買嘢,但你要留意,交易一定要幾個月內完成,如果有人俾咗訂你,但話個交易半年或九個月後完成,千祈唔好制,因為單deal好大機會係無法完成,只不過利用你嘅資產進行托市行為,托市無問題,唔該要完成埋個交易先,否則輪到你變大閘蟹。

發表迴響

你的電子郵件位址並不會被公開。 必要欄位標記為 *