中移動-min

仲用 中移動 就堅係正傻仔

特朗普最近又出招,唔俾 中移動 喺美國開分公司搞IDD業務,搞MVNO都應該唔得,其實一早應該咁做,中國公司收集情報收得咁過癮,都係時候嚟劑勁。甚至我懷疑中國聯通有相當股份嘅PCCW都隨時會中招,喺美國分公司會出事,PCCW Global都凍過水。

中移動 我唔信無參與滲透西方業務

其實 中移動 呢間嘢信唔過,只不過係常識而已,以我封嘅五毛IP,或涉及硬闖入嚟想攞走login果啲仆街嘅經驗(如果唔係呢度唔駛搞二步認證咁嚴),好多如果用香港IP,有超過一半都係用 中移動 香港嘅IP,你香港黑警唔敢郁有人透過 中移動 香港網絡搞不誠實使用電腦,唔代表侵總統對呢樣嘢一無所知,所以 中移動 無得喺美國玩係合情合理,搞得唔好,係連中聯通都唔駛旨意喺美國玩,可能係由於維持中美之間基本通訊需要,勉強俾中國電信仲會喺美國做到啲嘢,但兩間流動電話公司就咪搞喇。

所以有啲泛民中人,竟然喺香港用 中移動 香港,呢件事堅係傻仔,當然,我對香港任何電訊公司都持不信任態度,我cut晒喺香港嘅電訊聯繫,只不過係遲早問題,啲公司唔係有中國股份,就係有啲商人賣屎忽十分之積極。但係,香港商人擁有嘅電訊公司都未必太離譜,但 中移動 係可以做得好離譜,所以泛民甚至本土派有啲情報外洩,同當中有傻仔用 中移動 香港網絡有關。如果你識有本土派或泛民中人,居然仲用 中移動 香港,唔該請代我鬧爆呢啲傻仔,並且話俾我聽邊個做呢啲傻事,呢啲友仔,傻嘅抵鬧,唔傻嘅,就堅係可能係鬼,以後有乜秘密通訊都唔駛預呢啲友仔喇。

亦由於呢度有遇上唔少 中移動 香港IP襲擊嘅經驗,所以我正積極考慮,所有 中移動 香港同中聯通香港嘅IP都一律block鬼晒佢,咁就唔駛煩,所以我呢度響應特朗普,如果你係重視自己嘅資訊安全,就唔該cut咗張 中移動 香港嘅合約佢,免得有乜資訊外洩事件發生,我會隨時block晒 中移動 嘅IP Range而唔作出通知,屆時如果你仲想上嚟我果度,唔該你向我買個VPN戶口,我真係見到都眼冤。

發表迴響

你的電子郵件位址並不會被公開。 必要欄位標記為 *