會員制-min

會員制 開始運作

搞咗幾日, 會員制 同BNO嘅Server都開始運作,如果你有俾開錢,今日或明天你email會收到密碼信,BNO就派晒密碼信㗎喇,每日都會update嘅。依家我未完成自動加入會員嘅測試,想做月費會員,之前又無俾開錢嘅,就唔該email去[email protected],我俾條check-out link你,或你present過數證明俾我。(拍住賞同八達通好易俾我都收嘅)

會員制 係大勢所趨

有部分會員制內容,會遲幾日喺Medium出現(當然收費部分),但Medium唔會有齊member嘅內容,即係Medium有嘅,member一定有,Member有嘅,Medium唔一定有。當然, 會員制 嘅出現,係大勢所趨,因為廣告好容易受經濟週期嘅影響,而且出現黑警廣告呢啲嘢,真係唔多好玩,當然免費版本呢度仍然存在,但唔願意俾錢,特別唔願意睇廣告果啲人,如果想睇好嘢,就唔該自己作出選擇,唔好怪人喇。

會員制 運作仲有一個好處,係我可以考慮對會員提供買嘢優惠,簡單嚟講,我喺歐洲精選啲嘢賣返香港(依家仲係依賴Deutsche Post運作,我同唔同物流公司傾緊,部分貨件用速遞可唔可以平啲,或者水運嘅可能性),會員會有常規折扣,而非會員要貴少少,呢個至對長期做會員支持我嘅公平。當然到依家呢個階段,我係一間一人公司,寫文、會計、運貨、打雜都係我,如果會員制可以開花結果,當然我可以去倫敦多幾次自己睇Report,或者真係可以諗吓請人,幫輕行政又好,幫吓研究工作都好,一個人幾叻幾自動化,都難免有甩甩漏漏嘅問題,呢點我自己都知。

同埋我依家運作模式,其實係西方國家真係KOL用緊嘅方式,收廣告係好唔健康,同埋所謂KOL嘅營運模式,好容易俾大公司攬炒,或者某啲五毛公司自己做啲假KOL出嚟一嘢KO咗,五毛對網絡嘅危害,唔只佢地果啲白痴言論,佢地對網絡安全以至網絡媒體生態嘅危害,都絕對唔少嘢,所以果啲五毛公司營運者,未來幾日我會追擊到底。

發表迴響

你的電子郵件位址並不會被公開。 必要欄位標記為 *