林鄭月娥-種族歧視-min

林鄭月娥 玩種族歧視玩傻咗

林鄭月娥 喺回應港台英文台記者提問果陣,竟然話重覆一次英文答案浪費時間,呢件事梗係被人鬧爆,佢知唔知依家香港係一個雙語社會,而且係涉及種族歧視嘅問題,佢明明係一個講到流利英文嘅官員唔講官方語言之一嘅英文,呢個係十分之有問題。

林鄭月娥 係唔知基本種族尊重

以前我做中文大學代表會院委或主席果陣,雖然明知中文大學嘅官方語文係中文,大學學生會班左膠尤其堅持中文呢家嘢,但代表會文件有必須果陣係會適當標註英文,因為中文大學係有用英文嘅學生,唔用英文係明顯嘅種族歧視,我作為一個法理上少數族裔,我堅做唔出。一如我對華語立場係,如果唔係中國人對香港人採取入侵者立場,我唔會自己識講華語都故意唔講華語。呢個正常情況下,多語文係一個尊重問題,係中國人粗暴唔尊重香港語言,我至會唔喺公開場合講華語(當然喺台灣或新加坡我係例外)。

依家 林鄭月娥 嘅態度,係根本玩種族歧視玩傻咗, 林鄭月娥 以為即時傳譯可以取代,呢個大錯特錯,因為原裝soundbite係唔可以用傳譯取代,所以 林鄭月娥 係有責任用英文回應任何英文提問,仲要你自己嘅老公,同子女都係英國公民,你自己都係前英國公民,就更加無理由唔講英文,呢個係黐線到爆嘅行為嚟。除非 林鄭月娥 嘅老公同子女都全部退出英國國籍,並向公眾出示有Home Office印章嘅表格,當然係另作別論。我對於果啲聲稱自己係中國人嘅大中華膠,我一直都促請佢地知行合一,退出佢地嘅西方國家國籍,唔好自己或屋企人袋住本西方國家護照,但仲喺度扮愛國至得。

有一點,我都要再提醒一吓 林鄭月娥 ,喺英國未退歐前,佢仍然係一個合資格喺歐洲根據2004/38/EC,申請EEA Family Permit擁有歐洲國家居留權人士,當然佢丈夫同子女有無行使過居歐權利無從稽考,但作為一個英國人嘅阿媽同老婆果陣, 林鄭月娥 唔該對香港嘅外籍人士群體有番基本尊重,而任何英文提問,唔該佢用番英文作答, 林鄭月娥 唔係陳克勤,陳克勤就話或者由即時傳譯人員回應番,可能會好一啲啫,但 林鄭月娥 呢啲港大精英英文係唔會有問題。

One thought on “林鄭月娥 玩種族歧視玩傻咗

  1. 所以搞學生會釋義及通則章則時,我特別寫明「除非另有規定,否則條例的中文本和英文本同等真確」,除非係中英文以外既語文先會當輔助解釋。

發表迴響

你的電子郵件位址並不會被公開。 必要欄位標記為 *