李嘉誠-min-2

李嘉誠 必須作出選擇

李嘉誠 不斷撤資,其實都係香港人所共知嘅事,只不過, 李嘉誠 嘅政治忠誠,似乎被西方國家質疑,喺佢想買澳洲天然氣管道果陣,有人懷疑佢係中國嘅白手套,好可能反對相關交易。 李嘉誠 無法喺北美大展拳腳,VoiceStream最後要賣俾T-Mobile,都係呢個問題。

李嘉誠 同香港好多商人都要作出抉擇

香港人,包括 李嘉誠 在內,都以為香港人仲係可以喺西方同中國之間兩面逢源,如果仲係八十年代果陣嘅香港,呢個十分之無問題,但唔係今日中國同西方國家出現新冷戰局面,除非中國放棄一帶一路具入侵性質嘅項目,尊重西方民主政體,否則西方國家實信唔過仲留住共產黨果啲虛銜嘅友仔,唔理你國籍係唔係已經係西方國家。其實 李嘉誠 有英國冊封嘅爵士銜,照計澳洲都要俾番啲薄面,但依家國家安全在前,唔賣帳就係唔賣帳,所以我睇 李嘉誠 要撤資都有好多障礙,甚至一向歡迎佢嘅歐盟,都可能會俾佢麻煩,一方面係因為BREXIT,多謝果班蠢過隻豬嘅BREXITER,但另一方面, 李嘉誠 同中國之間嘅關係,係有待澄清,無可能俾 李嘉誠 可以繼續玩兩面落注呢個遊戲。

如果 李嘉誠 要顯示佢對西方效忠嘅誠意,可以點做,可能李澤楷點處理電訊盈科嘅資產,以及點處理佢控制果啲傳媒至為關鍵,電訊盈科果啲中資股權,可能 李澤楷自己要諗辦法踢走,而李家擁有嘅傳媒,包括《信報》、新城電台、NOW TV等等,都要歸邊喺西方國家果邊,而唔係又暗中俾中聯辦控制,如果暗俾中聯辦控制,你唔駛旨意西方國家俾你李家玩呢個遊戲,畢竟中國方面已經濫用西方國家對中國信任,濫用到令人厭惡嘅地步,李家玩唔到呢個兩面逢源嘅遊戲,亦都係時勢嘅必然。

所以果啲平日做開共產黨啦啦隊嘅友仔,你仲想喺西方國家幫中國做生意,做中共白手套,無咁易喇,隨時一旦支爆果陣,你班投共嘅香港商人就陪住中共一齊爆,如果照咁睇呢,香港可能得一個商人,可以安然喺西方國家投資落去,果個人叫黎智英,因為黎智英到依家仍然係企硬。其他商人,你地自己諗吓一旦中共滅亡果陣,你班友啲財富點算喇。

發表迴響

你的電子郵件位址並不會被公開。 必要欄位標記為 *