冠忠巴士-min

冠忠巴士 嘅年報仲有乜未披露?

今日繼續用巴膠同鐵膠角度分析財經,另一間好值得留意嘅公司,係 冠忠巴士 ,喺6月29日公布咗業績,話純利下跌24%。表面上,冠忠巴士 有cash,有物業,應該無我喺7月2日分析進智公交咁牙煙啩。錯了, 冠忠巴士 有啲嘢,喺業績報告上無作出應有嘅披露,如果你仲投資喺 冠忠巴士 ,我已經唔計中國旅遊果啲業務(果啲業務風險更大),你自己小心。

冠忠巴士 無披露果啲旅遊巴牌價嘅問題

進智公交嘅業績報告有一欄係講小巴牌價,並且用「公允值」去評估佢地嘅資產水平,作為投資者,仲可以對牌價衍生嘅資料有個知字,但 冠忠巴士 ,係完全無披露旅遊巴牌有關嘅任何嘢,包括果啲牌有無涉及按揭,以及佢地有無估值損失嘅問題。但係喺業務合併果度,係有略為提及一吓,利用收購公司買客運營業證嘅做法

於 二 零 一 八 年 一 月 四 日,本 集 團 與 一 名 獨 立 第 三 方 訂 立 買 賣 協 議,以 收 購 惠 康 旅 遊 巴 士 有限公司「( 惠康旅遊」)的100%股權,代價為97,900,000港元。該交易於二零一八年一月四 日 完 成。

大家睇完呢段嘢,會有一個問題,就係收購惠康旅遊巴士明顯係買旅遊巴有關客運營業證用,咁買咗幾多證返嚟,又涉及點嘅銀行融資安排,我喺上市公司公告係搵唔到。而 冠忠巴士 過往有唔少旅遊巴收購項目,其實 冠忠巴士 可唔可以同大家計一計咁多年以嚟啲牌值幾錢,同埋涉及有幾多銀行負債咁?講真,如果啲數字係咁唔清楚,投資 冠忠巴士 其實仲牙煙過進智公交,進智公交,如果我仲喺香港住,都可以遊吓車河,或喺站頭計吓數,推算一吓真正營運實況。

仲有一樣嘢好離譜,就係 冠忠巴士 吹到未來港珠澳大橋帶嚟嘅收益好大,但問題嚟,港珠澳大橋依家本身都係問題多多嘅工程,幾時落成唔知,幾時通到車都唔知,你依家 冠忠巴士 管理層玩畫餅充饑呀?唔係嘛。所以 冠忠巴士 旅遊巴牌資產問題呢個黑洞,再加上港珠澳大橋根本唔知幾時起完呢啲風險之下,我十分之質疑 冠忠巴士 係唔係可以安全投資嘅股票,如果你買之前,唔該諗清楚呢啲風險因素,香港啲股評人係唔會分析呢啲嘢。

發表迴響

你的電子郵件位址並不會被公開。 必要欄位標記為 *