人民幣

人民幣 匯價持續跌:應該離港爆同支爆不遠

當大家好集中精神睇世界盃果陣,留意外匯市場嘅人(呢個係我本業一部分),就日日見住 人民幣 匯價持續下跌,而且依家似係人民銀行,既無能力,亦想賭一鋪嘅情況下,任由 人民幣 係咁跌落去,不單亞洲各國嘅貨幣會跟住貶,而且更隨時係一場金融風暴嘅序幕。大家記住,上次1997年嘅金融風暴,都係6月至7月呢段時間有人發難,跟住秋季啲人至賭鑊甘。

人民幣 匯價根本無支持

有人話人民銀行因為要用貨幣戰回應Trump嘅貿易戰,所以有意令 人民幣 貶值,技術上,人民銀行係應該咁做,但唔會係六月咁樣跌法。因為呢把係雙刃劍嚟,如果處理不當,引發大量資金外流,以及香港資產泡沫爆破,最終引發支爆嘅話,人民銀行操盤果條友係IFC天台跳落去都唔得掂。依家更大可能係,由於貿易方面無外匯流入,但持續仍然有外匯流出到香港,以至世界其他各國,因此,人民銀行根本無力救市嘅情況下,任由 人民幣 係咁跌,話乜嘢用貨幣戰嚟應對貿易戰,呢啲呃吓人就得,但中國領導人呃唔呃到,我堅係好有疑問。

所以大家留意一樣嘢,喺無資金流入支持下,香港猶如泡沫嘅資產市場,係時候爆煲,先有我講嘅小巴市場,旅遊巴牌照市場,都應該有股票會死(呢個會喺香港時間十一點篇文會講),然後樓同股都會死得好慘吓。所以依家唔係熊市嘅問題,而係可能支爆同港爆嘅問題,如果你層樓唔係自住,就應該唔好再玩落去喇,而其他投機性質嘅資產市場,都應該去到末路,爭在有乜事件發生,引發 人民幣 失控咁下跌,跟住再全世界係咁跌。

大家要留意一樣嘢,西方國家政府係好有誘因令 人民幣 計價或由 人民幣 引發嘅資產泡沫爆破,因為 人民幣 係咁跌,就唔再可能周圍去買技術或資產,呢個係解除中國對西方威脅關鍵一步,依家我估得英國政府內部仲有人咁蠢,認為中國係可以依靠,我諗呢鋪支爆加港爆,無搞到你英國銀行系統崩潰已經執番一身彩,大家要記住,依家HSBC Holdings plc,係英國金融系統嘅重要部分,如果HSBC HK出事,就成個英國都有得震無得瞓。

都係果句,大時代之前,小心睇路。

One thought on “人民幣 匯價持續跌:應該離港爆同支爆不遠

  1. (以債轉股)究竟是邊個蝨虫師爺想出來的屎橋?自以為好醒;西方世界都無像我們的變通呀,實際上是豬頭炳,那些空壳 公司老闆咪把自己手頭上的股份轉晒比你銀行來套現;跟著自己拿著真金白銀走佬囉!空壳公司無業務的依賴借貸生存,成日希望有人來收購自己來賺一筆,難得你中央指示銀行出手.比起在股票市場慢慢氹D散戶落塔好得多.某大宗教報文章節錄:-

    诱发这轮股灾的主要原因并不是中美贸易战的升级,而是中共长期默许的恶性股权质押融资套现引发的市场闪崩。当中共搞注册制,批量造富时,上市公司的大小非流通股东们却想出了质押股权套现跑路的奇招。这种方式远比减持股票套现来得快,当中共还暗地里为股权融资为实体经济输血的方针叫好时,大股东们却通过股权质押套现后纷纷跑路。这种清仓式质押股权套现的行为对中共的金融系统而言,无疑是毁灭性的打击,但监管者却装作不知,这样一个漏洞百出的市场它又如何不会闪崩?现在中共证监会正热衷推出它们的CDR,但CDR却是一个彻头彻尾的旁氏骗局,对那些已经从独角兽成长为巨无霸的企业去片面追捧会带来意想不到的金融灾难。

發表迴響

你的電子郵件位址並不會被公開。 必要欄位標記為 *