李明逵-min

李明逵 依家先知大鑊:遲唔遲啲

李明逵 應該係歷任警務處長嘅異數,因為佢係少數儒官出身而升到警務處長。所以佢嘅思維方式,相對接近政務官。 李明逵 見到依家警民關係差到極點,隨時警隊招聘日請返嚟唔係擦鞋仔就係爛仔,佢見個勢唔掂,立即出嚟講嘢勸警隊改文化,但我睇係回天乏術。

李明逵 IQ唔叫高,但警隊大把人低能過佢

佢喺新亞校友嘅訪問係咁講

李明逵憶述昔日處理韓農騷亂情況,強調溝通最重要,自己對示威抗議者抱持開放態度,最好不用或使用最低程度的武力而能執法,執法手法亦要靈活,他稱若執法所製造出來的混亂較當時的情況還要混亂,就要重新考量處理手法。

2005年韓農之役,其實香港警隊大敗,而當時見香港身份證唔拉,但拉晒啲韓國國民亦係有問題。只不過,佢最後都無起訴班韓農,其實成件事頗為皆大歡喜收場,因為以往WTO或G-20都係開大片,漢堡G20之役簡直係城市戰場,所以 李明逵 唔叫高IQ,但佢做法仲係叫okay嘅。而佢對示威者持開放態度,亦都係一個政治中立嘅態度,呢個係本來警隊應該要有嘅態度。

但依家 李明逵 知唔知警隊唔係佢做緊一哥果陣嘅警隊,依家警隊簡直係胡鬧,警隊高層全部有政治立場,唔理示威者訴求合唔合理,有政治立場嘅警員就老屈再趕佢出去,你覺得警察仲可以服務市民?都未計依家警員犯法多過食飯,日日報紙都係休班警、當更警、退休警、輔警犯法大賽,呢啲垃圾警隊,解散後重新改革,好似Northern Ireland Police Services就差唔多,係連「Force」呢個名都唔要,當係一個純粹服務市民嘅機構,咁就得。但依家中聯辦班友諗係將警隊視為一個專政工具,統治機器,呢個情況下,年青人同警隊關係改善嘅可能性,近乎係零,而且我相信,市民仇視警隊嘅情況會越嚟越普遍,由上世紀七十年代到九十年代所做嘅皇家警隊改革工作,幾乎係白做。

大家睇呢度,大家見 Yahoo! 警隊招聘日廣告都群情洶湧,大家就知乜事喇, 李明逵 ,依家唔係再係過去嘅香港,你講乜都唔會再有用。

One thought on “李明逵 依家先知大鑊:遲唔遲啲

發表迴響

你的電子郵件位址並不會被公開。 必要欄位標記為 *