進智公交-min

進智公交 應該有排蝕收場

今日唔係交易日,只不過,大家都應該準備下一個交易日,我不如同大家討論一下財經,有啲公司我仲係識分析,除咗傳媒,公共交通公司我都識分析,其中一間,就係 進智公交 ,好歹我都係一個巴膠,巴膠或鐵膠最鍾意研究嘅股票梗係同巴士或小巴有關。

進智公交 應該業績同股價都應該好慘情吓

大家留意以下業績報告呢一句:

於二零一八年三月三十一日,公共小巴牌照之公允值下降至4,150,000港元(二零一七年:5,100,000港 元)。於二零一八年三月三十一日及二零一七年三月三十一日,公共小巴牌照已由獨立合資格估值師威 格斯資產評估顧問有限公司(「威格斯」)重估。公共小巴牌照之公允值乃經參考不同市場交易商之近 期平均市場報價後使用市場法釐定。有關方法之主要假設包括公共小巴牌照之公開市場情況持續存在以 及公共小巴行業相關趨勢、市況及政府政策維持不變。所作出假設根據過往表現及預期市場發展釐定。

呢個係今年三月嘅價,以我所知,依家公允值個價我估3,800,000左右,而且如果無利好資金入場,仲會持續跌落去。依家 進智公交 根據公允值推算,揸住66個牌左右,餘下車輛係租車或者大股東家族自己揸。我諗依家只剩番兩億五左右,而且如果無人採取行動,或者會支爆,咁件事會跌落去。

大家要留意,依家 進智公交 嘅負債係一億四千九百萬,應該大部分都係靠果六十六個小巴牌做擔保,如果牌價跌到 2,300,000 左右,成件事就會變負資產,但銀行唔會等到真係負資產至會採取行動,好可能跌到3,000,000左右,就已經會call loan,屆時香港小巴行頭真係唔死都幾難,所以我完全唔明,點解有啲人係會做緊一啲推冧牌價嘅行為,唔單只可能令好多中小型小巴公司融資困難,最大鑊係,連股民都唔知自己做緊乜,然後捲入個漩渦裡面,你以為自己投資緊一啲好穩健嘅小巴線,但實際上,你係被呢個爆破緊嘅資產泡沫玩死緊,而且係一定有礙民生。

進智公交 應該明年嘅業績都十分之難睇,公允值可以一年跌20%,要再跌20%都應該唔難,大家睇路做人。

One thought on “進智公交 應該有排蝕收場

發表迴響

你的電子郵件位址並不會被公開。 必要欄位標記為 *