嘉興暴動-min

嘉興暴動 :你覺得支爆唔係發生緊?

嘉興暴動 ,應該今年七一中國嘅一份「大禮」,雖然香港人無責任為中國嘅事做唐吉訶德,但基於香港嘅地理位置,香港人係應該知道支爆嘅情況,同發生緊乜嘢事。我雖然移咗民德國,但比起某三位濫用EU Citizen或EEA Family Permit身份留英(兩個澳門葡籍人士,一個香港特區護照持有人)幫中共做嘢嘅仆街負責任好多。而 嘉興暴動 ,明顯係一個重要指標嚟。

嘉興暴動 係與眾不同

嘉興暴動 同其他地方暴動唔同係,浙江省係習近平起家嘅地方,可以講得上係習近平其中一個勢力範圍,習近平有一樣嘢係似江澤民,就係佢都係地方諸候出身,江澤民甚至係習近平縱使做上海市委書記都好,習近平都郁唔到江澤民喺上海市嘅勢力範圍,我只可以講,佢係更勁嘅地方諸候。所以依家 嘉興暴動 係反映習近平後門失火,比江蘇省鎮江老兵維權唔同,江蘇省政府本來係習近平控制唔到嘅失控地區,甚至老兵係有人授意吓喺鎮江開戰,但 嘉興暴動 完全另外一回事嚟。

另一方面,依家 嘉興暴動 班友完全唔怕死可以搜辦公室,仲搜到哥爾夫球棍、私家浴室呢啲腐敗嘢,亦可以反映啲人由於係絕望,所以亦唔會理得有乜後果。而公安亦未必敢全力鎮壓,喺地方政府隨時出唔到糧嘅情況下,公安你估自己唔會諗後路㗎。鎮江可以搞到老兵追數,日後可能係公安問市政府追數,呢個亦係公安居然無死守落去,任由群眾攻入七星政府嘅原因,如果係咁,只要有地方政府繼續有出唔到糧事件,群眾搞到可以長期佔領政府,甚至出現其他情況,就會變成群雄割據或者內戰,因為必定有人想做山寨王到底,呢樣嘢係中國咁多年嚟嘅歷史規律,基本上就算封咗網都唔會有用。

所以支爆係唔係發生緊,我答案可以話係,香港人要小心自己啲資產,因為班中共黨官會捲走香港啲資產外逃,所謂港爆,另一方面,亦要小心大規模嘅難民潮,呢個絕對係歷史上嘅人道大災難,香港人有可能要換走依家嘅傀儡政府,並且請英國人返嚟嚟自保,依家嘅局勢可以急轉直下,因為習近平連自己嘅老巢都保唔住,係好大件事。

One thought on “嘉興暴動 :你覺得支爆唔係發生緊?

  1. 這個國家唔想支爆/港爆都幾難?根本是個制度問題.聽細說中南海明德教授說, 當上面証監會些官員要求上市公司主席披露有關公司財報表及文件,它們可以不依從,在外面看來你像是我的監管機構,但在党內來分我的党職位比你高,是你的上級前輩你好應聽我講才是.現在港鐡禮頓 也是,我權力大過你的,1)你無權追查及起訴我,2)我唔交文件又得,直情像”唐琳玲 “一樣,你吹呀,你又可以對我做到些什麼?近日有一新聞:”湖南常德政府威胁银行公然不还债”,网传一份湖南常德市政府的会议纪要,显示常德市政府用行政命令,要求辖区银行对政府贷款一律采取延期、续贷或借新还旧的方式处理,否则政府将一律不归还,甚至还威胁不配合的银行将交由纪委查处。如果香港些賭仔學像大陸的做法便好了,銀行私人貸款如果不借,告去紀委說他不借錢比我,向上級反映一定要借。党的紀委同銀行有什麼關係?像現在香港某些人犯法,說聲我是中國人,我是愛党愛國的,便可脫身,如"唐琳玲",I am Chinese.”所以你們明白為何她說這句話的原因嗎?

發表迴響

你的電子郵件位址並不會被公開。 必要欄位標記為 *