湯家驊-十一哥

湯家驊 都係唔該佢收嗲

湯家驊 對好多人嚟講,佢已經係叛徒嘅代名詞,甚至佢查實係衰過馮煒光。不過,似乎 湯家驊 嫌自己個朵未夠臭,竟然話依家政治檢控泛濫嘅情況下,香港都仲未到淪陷嘅情況。證明有啲人做徐庶,佢都可能係最核突果一個嚟,唔該佢收聲。

湯家驊 同邊個比都係最核突

先講劉千石,我對劉千石投共係萬分理解,因為佢阿媽係老共手上嘅人質,大家都聽過身在曹營心在漢呢句嘢,呢句嘢講係徐庶嘅處境,而徐庶投曹正係因為阿媽被挾持喺曹操手上。所以,我對劉千石投共,我係不作批評,因為呢啲徐庶式處境,大家都知道係可不作批評。都係果句,如果黃毓民坦承佢係因黃特漢而投共,無人會怪佢,佢教仔唔掂佢嘅事,我係唔會評價一個人嘅教仔好唔好,有時唔到當事人控制,但如果好似劉千石咁認咗,反而大家會同情,最多唔出聲,只不過,有人自己讀中史咁耐都唔肯認,咁係無得怨。

跟住馮煒光,馮煒光肯定係仆街,但大家要留意一點,佢係匯點出身,匯點出最多大中華膠同仆街,呢個係佢本來嘅政治信仰,有乜好講。所以我對匯點出身嘅人,對絕大部分都係持保留態度,都係呢個原因。而大家都可以睇到,匯點嘅人,絕大部分都投咗共,大中華膠嘅魔咒好得人驚,好似我咁係要連對中國嘅民族認同都斬斷埋,因為我喺南洋華人經驗,睇到係乜一回事。我知馮煒光係人渣,但我對佢點解走向人渣之路,我都可以保持理解,事實上,佢啲仆街言論都好忠於佢嘅匯點特色,佢只不過跟咗劉迺強果條路,劉迺強都仆街到無朋友喇,大家都知時聞香港係佢檔嘢嚟。

湯家驊 係最差果個,我想問 湯家驊 另一個花名十一哥,或者湯十一點嚟,呢啲政界傳聞去到我呢個去咗德國嘅摺人都知,到依家 湯家驊 都唔敢澄清同回應,大家都認定佢投共查實係同呢個花名有關,咁不如你條友摺咗佢吧,依家你條友仲衰過入去坐監,好做唔做,有人唔做去做共產黨走狗,講真,你啲公民黨前黨友,對你都過於仁慈,做人點可以腐敗到呢個境地,如果係咁就唔應該從政,專心做你嘅商業大狀算喇。只可以講,佢比黃毓民更衰一重。

發表迴響

你的電子郵件位址並不會被公開。 必要欄位標記為 *