沙中線-min

沙中線 同高鐵都應該予以封閉,不應啟用

沙中線 雖然係一條好重要嘅香港鐵路幹線,我個人都認為呢條線有必要,但依家毛孟靜爆埋土瓜灣站嘅牆身,竟然係用建築廢料起,無論 沙中線 定高鐵,我認為都必須要予以封閉,不予啟用,直至有方法挽救結構危機,甚至可能要成條重新起過。

沙中線 偷工減料到收買人命地步

沙中線 依家係有系統咁剪鋼筋,加上牆壁用埋啲廢料,大佬,依家唔係一般起大樓,一般起大樓,呢啲情況已經係絕不能容忍,更何況喺地底,萬一地底土質有乜變動,就會活埋大批乘客,呢種慘劇係好可能發生,既然係咁,點解仲要俾 沙中線 通車,乜大家真係想發生大批乘客被活埋嘅慘劇,邊個敢坐沙中線,俾你都唔敢用紅磡站同土瓜灣站都夠晒喇,大家話係唔係?

至於中國高鐵香港段,有無一地兩檢都好,既然係同期工程,好可能有同樣嘅問題,連航空母艦都可以偷工減料,更何況中央企業負責嘅高鐵線,所以我睇唔到高鐵線係安全,同樣情況,封咗佢喺對香港嘅安全上可能係最好。而且由於高鐵嘅政治性,好可能有好多問題,根本不為公眾所知,呢樣嘢正正係成件事最恐怖嘅地方。 沙中線 仲話有吹哨者放風,而中國高鐵,你覺得有人夠薑出聲,隨時被人捉咗入華界滅埋口都無人知喇,所以最好方法係,唔理三七二十一,不俾呢兩條線開幕, 沙中線 仲可以話重新起過,中國高鐵香港段,因為隨時中國高鐵其餘路線嘅隧道都係豆腐渣嚟,所以用水泥灌漿方式永久封閉隧道,好可能係唯一可行方案,防止突然有乜隧道崩塌嘅事件,就真係十分之恐怖,特別中國高鐵香港段途徑唔少豪宅地底。

甚至容我咁講,依家香港買新樓都係一種玩命行為,唔計支爆或港爆呢個因素,中國呢種收買人命嘅貪污方式,你已經有十分足夠理由,唔買任何香港嘅新樓,中國有無厘頭倒塌嘅高樓大廈,本來就唔係新聞,更何況香港依家都喺呢方面完全同中國接軌,班土共立法會議員係護住共產黨仲重視過市民條命,你靠呢班反對運用特權法嘅仆街?返去早抖喇。依家香港變得危機四伏,根本已經唔係我認識嘅香港,真係淪為一個普通中國城市。

發表迴響

你的電子郵件位址並不會被公開。 必要欄位標記為 *