劉小麗-高永文

劉小麗 食相極難睇

劉小麗 今日宣布以團體黨員身份加入工黨,確保咗李卓人係Plan B,我唔知背後有乜政治交易。 劉小麗 本身已經勝算唔高,就算對住果個唔係高永文都係咁話,依家仲話入埋工黨喎,等同送議席,呢啲同收咗北京柯打自殺一啲分別都無。

劉小麗 變咗政治變色龍

劉小麗 成件事最核突係,為咗阻止馮檢基派膠,不擇手段,無錯,馮檢基都係一件仆街嚟,我都唔想佢條hihi再出,但 劉小麗 問心果句,你勝算唔高,最初都係打自決派呢張清新牌喺比例代表制下上到位,依家為咗有得選,竟然入埋工黨,你無嘢嘛,即係 劉小麗 同任何政棍一樣,都係可以因自己政治需要改變立場,而唔係講戰略合理性,而係講緊自己嘅私利,我想問佢同馮檢基有乜分別呢?甚至對啲搖擺選民嚟講,不如選高永文算吧,至少有蛇齋餅糭,雖然高永文都係一件仆街嚟,喺沙士果一役佢條友嘅表現我仲好記得,佢係一個喺梁振英年代,仲有少少人性嘅局長,只不過,醫管局搞到今日咁,唔好話呢條友無份,否則唔駛佢同梁智鴻一齊離開醫管局。

依家九龍西變咗仆街大混戰,真係時代不幸,仲要係兩害取其輕嘅空間都無,因為 劉小麗 、高永文、馮檢基同李卓人,真係沒有誰比誰仆街,如果泛民係懸崖勒馬嘅,應該搵第二個出戰九龍西,因為 劉小麗 只不過係一個好少少嘅姚松炎,但佢嘅變色龍表現,唔好話係本土派、親英派或獨派,係連有啲泛民,都無辦法接受呢啲變色龍出嚟打,你估大家見得好似劉江華、馮煒光或者湯家驊呢啲人渣少,越易變色,越信唔過,呢個係香港過去咁多年民主運動,給予香港人最大嘅教訓。

如果俾我要考慮搵人出戰九龍西,講嚟講去嘅最佳人選,始終係鄺葆賢醫生,如果鄺葆賢醫生出戰應該大獲全勝,土共搵高永文都係純粹有格食格嘅考量,你都知香港唔留意慣政治啲人,有時係幾易呃,否則都唔會出現一件長期喺土共組織工作嘅友仔,去到倫敦就扮黃絲咁仆街,真係香港黑警廣告果句金句,騙徒嘅手段真係層出不窮。如果鄺葆賢醫生唔出戰,真係搵張秀賢出戰都遠好過你 劉小麗 條友喇,你話係唔係?

發表迴響

你的電子郵件位址並不會被公開。 必要欄位標記為 *