網媒-收費網站

收費網站 即將開通!

呢度一直以嚟都用好非正式方法去進行收費,但呢個局面,會喺6月29日有所改變, member.martinoei.com 同 bno.martinoei.com 會同時啟用,shop.martinoei.com都會改革後重開。我呢度介紹一吓,三者,以及Medium版文章嘅分別。

收費網站 嘅分別

先講 bno.martinoei.com ,我會通知有參與眾籌嘅人,基本上只有 BNO 有關嘅嘢,同埋只會限眾籌參與者進入。喺果度嘅內容點編排,收到密碼後你們自己去睇。我唔想喺度,披露任何 bno.martinoei.com 嘅網站結構。

跟住係 member.martinoei.com ,初期,有俾月費果啲會收到通知,大部分收費內容,部分BNO內容(唔包National Archive內容嘅分析),喺Medium嘅內容都會睇到,以後都有每日新嘅收費內容。如果你唔想每月俾五十蚊,你想睇部分Premium內容,可以加入Medium收費會員,但我只會擺少部分Premium內容入Medium。因為我唔知Medium日後會唔會變質。member.martinoei.com初期,係唔會有自己申請及create戶口服務,稍後先會。

跟住 shop.martinoei.com,除咗部分呢度部分斷文賣嘅文章繼續有密碼賣,主要會係賣歐洲嘢為主,你喺歐洲買乜價,就大概係果個價加郵費。而 shop.martinoei.com 重開後會同 member.martinoei.com share 用戶資料庫,月費會員買嘢會有折扣回饋,報答番大家。

長期靠廣告唔係一個正常方法,當然呢個免費版嘅營運係唔會減弱,只不過,亦都要做到多元化專業化,你估好似香港啲傳媒咁坐以待斃。而收費網站,以及商店嘅改革,相信可以為長遠嘅正常營運打好基礎,都係果句,如果用心去做一件事,係應該可以用多元化方法收支平衡,唔應該要擦政府鞋,或長期依賴維穩費做五毛,而香港有太多唔長進嘅人同做法存在。

8 thoughts on “收費網站 即將開通!

發表迴響

你的電子郵件位址並不會被公開。 必要欄位標記為 *