特區護照-移民-min

用 特區護照 去移民就祝你好運

依家好多人都想去移民,移民嘅目的大部分梗係歸化當地國籍,甩咗本 特區護照 ,只不過, 特區護照 隨時令到你移民申請出現麻煩, 特區護照 係唔係大家講到咁鬼好,呢一點都真係好有保留嘅餘地。

特區護照 認受性越嚟越低

好多人睇 特區護照 係貪佢平,以及所謂免簽多,但一本護照認受性除咗免簽多唔多,仲有申請永久居民,以及歸化手續麻唔麻煩都係重點。好似澳洲SBS報導呢單個案,係典型例子,當然黎生同佢子女都有英國國籍,好明顯係British Citizen,只不過唔係個個British Citizen都想定居英國,英國並無果啲仲發緊BREXIT春秋大夢嘅英格蘭廢老講到咁吸引香港人。英國國籍喺歸化澳洲國籍,一直係具優勢,無論以往BDTC-HK, BNO定BC都係一樣,因為澳洲知道英國唔會濫發護照,同埋英澳之間可以交換公民檔案資料。但另一方面, 特區護照 依家發俾乜人, 特區護照 個nationality code用CHN本身已經係為香港人製造麻煩,跟住依家好多黨官都唔知點解有 特區護照 ,澳洲政府為安全起見,咪所有 特區護照 持有人一視同仁,就算你做晒手續,都要慢慢再check你file至俾你入籍,你想入籍澳洲或其他國家,如果手上係 特區護照 ,係可以預見嘅將來,只會越嚟越多嘅麻煩。而日後一旦被人cut埋啲免簽優惠,就更加大鑊,當你果陣至知大鑊臨頭,我只能講,你堅係太遲。

所以 特區護照 係唔係某啲人講到咁好用,其實係好有疑問,特別越嚟越多黨國貪官濫用佢果陣,當中國人想共享香港人嘅榮耀果陣,客觀結果係香港人共享中國人嘅恥辱,因為中國人喺海外嘅所作所為,就算中國變天字第一號經濟強國都唔會有人想俾佢visa free,更何況根本唔係。我一直喺香港移民政策立場強硬都係咁解,只不過愛好旅遊嘅左膠們,又點會知道,佢地嘅左膠行為,正正破壞緊佢地自己以及其他香港人嘅旅遊方便,我只能講,呢個世界啲蠢人或賤人,都真係多如牛毛。唔知果啲為 特區護照 辯護嘅仆街,又有乜嘢回應咁?

發表迴響

你的電子郵件位址並不會被公開。 必要欄位標記為 *