人民幣

人民幣 係咁跌:支爆都快嚟

呢幾日, 人民幣 係咁跌,如果唔係自己大把嘢做(包括搞member同bno兩個site最後測試),都應該會寫 人民幣 跌,但傳媒低調講,五毛唔敢講,大家都應該睇到鑊氣好重,特別係樓價,我估香港樓市嘅購買力應該無得七七八八。

人民幣 匯價同樓市關係

香港樓價升,其實同 人民幣 比港幣強有關,因為 人民幣 比港幣強,任何港幣資產都變咗好抵,但港幣資產又有國際流動性,至少港幣本身係國際流動,所以中國係咁印 人民幣 ,中國人係咁落嚟買樓,香港又土地供應有限,咁玩點都有賺,呢個係點解香港樓市同用家消費力完全脫節都仲有得升嘅原因。只要 人民幣 比港幣強,就大把嘢可以玩,呢個亦係佢地最平可以儲藏外幣嘅方法,而且回報係好過存喺銀行果度添。

但依家 人民幣 持續跌,一跌到一對一係形勢逆轉,要印以往更多 人民幣 至換到一樣嘅樓,咁樣樓市係根本無晒呢啲投機性質嘅購買力,再加上一旦美國打貿易戰捲埋入香港,港幣同美金之間嘅聯繫匯率係唔會穩得住,甚至根本唔可以用美金作為貨幣發行嘅基礎,好多中國資金自己都蠢蠢欲動要喺西方國家關門大吉前湧作歐美,屆時佢地實沽港幣資產,支爆固然快嚟,因為 人民幣 匯價反映 人民幣 唔值錢,加上大量走資,同埋貿易戰會流失好多外匯,咁係會出事。但另一方面,港幣加息,再加上 人民幣 熱錢停止流入香港,係因為唔值錢而無法支撐樓市,咁就唔只係支爆咁簡單,係香港啲資產價格會大規模下跌,特別係已經變成純投機導向嘅樓市,大家諗吓屆時香港銀行系統仲生唔生存到?

人民幣 係咁跌傳媒乜都唔講,代表呢次係堅出事,成班友讓領導先走,你班香港傻仔就接火棒,然後就產都破埋你就知味道。當然,對好多人嚟講,沽唔沽層樓係好多掙扎,我會咁睇嘅,如果係供滿咗,就唔好理佢繼續住,唔駛賣嘅。如果你知道一加息就跳海都唔掂,就唔該早日搵傻仔接你手好過,因為負資產呢家嘢係唔能夠講玩,而我睇香港政府亦無能力托住全香港銀行,或叫香港啲銀行唔call你loan。都係果句,支爆快嚟,早啲諗走路之路。

2 thoughts on “人民幣 係咁跌:支爆都快嚟

發表迴響

你的電子郵件位址並不會被公開。 必要欄位標記為 *