爭產-min

爭產 爭到開槍:華人老屎忽應該係時候知驚

鰂魚涌公園 爭產 講數爭到開槍,都係果句,可以走私槍械嘅人,背景唔會一般,香港槍械管制係嚴到爆燈。只不過, 爭產 竟然搞到開槍收場,我相信有啲華人老屎忽應該係知驚。都係果句,果啲靠侵吞財產致富嘅老屎忽,係時候自己諗清楚,時代已經唔同。

爭產 致富係華人至愛

TVB啲 爭產 片其實多人睇,當然唔係啲人真係鍾意果啲情節,果啲情節好多時睇到好唔舒服,而係上一代華人成日唔係諗點努力工作,或做好自己嘅本分去致富,而係成日諗點呃親友嘅廠呀,趁上一代人啲遺囑寫到唔清唔楚,攞埋人地果份,呢啲問題,好多時喺法院係無法尋求公道,或者喺法院尋求公道喺曠日費時,條氣唔會順,結果出現一個性格特別剛烈嘅,就有人玩到冧友收場。所以就算疑犯嘅背景係黑定白都好,華人老屎忽呢種靠謀人家產發達嘅行為,其實遲早會現眼報,只不過我估唔到現眼報成咁,香港玩到槍擊案一槍爆頭,你真係以為自己喺美國,定係《龍年》、《唐人街》果啲華人黑幫仇殺電影嘅情節,北野武《全員惡人》之類都無咁激喇。

當然,長遠嚟講,華人呢啲靠昆嚟謀取財產嘅行為,應該隨新一代認識法律,以及會定立遺囑等安排,而會少咗啲,但如果華人一向謀財嘅方式不變,呢類事件只會繼續發生,只不過唔會激到用槍,但用刀都仲係有可能,點解我咁講,因為呢個社會好多人,仍然唔係靠自己努力或實業去謀取財富,一係就賣屎忽俾共產黨,然後靠黐政府致富,一係就呃果啲辛辛苦苦致富嘅親友嘅錢致富,大家依家明點解香港咁少實業家,我相信呢啲靠昆親友嚟發達嘅友仔,其實都係一種蝗蟲嚟,只不過,呢種蝗蟲,無論TVB啲爭產片,定係成個社會都一向選擇視而不見。當然,用到開槍爆頭嚟殺人去解決問題,呢種做法絕唔鼓勵,而香港搞到一街都係槍,呢種情況係十分之危險同令人不安。亦都唔應該鼓勵就係。

呢種文化批判,我相信未必有好多人意識到,畢竟呢種虛偽嘅倫理存在已久,魯迅成日話禮教會食人,其實有唔少人,一早用禮教食完人仲發埋達添,簡直係反智社會。

One thought on “爭產 爭到開槍:華人老屎忽應該係時候知驚

  1. 謀親人身家呢d華人真係算係驚人地普遍,明明唔係咩大富大貴家族,只係多幾個錢,都可以為左可能只係層樓唔顧親情你謀我我謀你勾心鬥角咁

發表迴響

你的電子郵件位址並不會被公開。 必要欄位標記為 *