脫亞入歐-羅森-min

羅森 與香港脫亞入歐

日經中文網有篇好奇怪嘅專欄文章,由中國嚟嘅張石寫,講164年前,已經有中國人讚日本治安良好。當然由中國人寫呢段 羅森 大讚日本治安好嘅歷史,焦點全錯。讚日本治安好唔係中國人,係香港人,而且佢係美國人嘅助手協助簽神奈川條約。由 羅森 嘅位置,可以睇到香港人必須脫亞入歐嘅定位係乜。

羅森 嘅真正啟示

首先, 羅森 嘅歷史係印證咗2013年我寫嘅文章,香港正係明治維新嘅開端,連神奈川條約漢文版本都係由香港人出手商定,你話喇。唔怪得神奈川條約官方漢文文本,好大陣香港用開果隻文言文味道,終於明晒(維基文庫用嘅漢文版本,係根據日本政府國會圖書館所存版本,無花無假)。

羅森 之所以係美國嘅締約代表團嘅翻譯,因為本來美日之間談判係英文譯荷蘭文,荷蘭文再譯日文,反之亦然,咁樣訂條約實出事,而日本當時官方文書必具漢文版本(日本法律好多其實都係漢文味道極重嘅日文),所以有人識英文同漢文,成件事就簡單好多,呢個亦係香港嘅價值,香港人必須通英文,以及好好保留正體中文同香港語文,唔要中國果啲垃圾所謂中文,甚至要同時通法文、德文,所以依家香港有唔少移入歐洲,本身係一個擴闊視野嘅契機,因為呢班人會最終改變香港嘅面貌。

而香港嘅價值,係站穩西方嘅價值,就算 羅森 發表文章嘅地方,都係英國傳教士開嘅英華書院所出版,所以香港係必須喺法理上,身份上脫亞入歐,所以我主張香港歸英又好,獨立又好,都係必須加入歐盟,亦係我喺BNO歐洲身份問題上我寸土必爭嘅原因,點似得香港一大班揸英國護照只係做中國走狗,或澳門一班揸葡國護照做中國走狗嘅人, 羅森 喺1854年喺日本做嘅事,已經講清楚香港嘅應有角色,香港人亦應喺呢方面有所準備,呢樣嘢,可能對好多香港人嚟講仍然係太激,但我嚟講,呢個係我一貫嘅主張,而由UK in Hong Kong終於要意識到要喺世界盃期間同德國人打心戰(德國佬已經出動埋哥德學院),更加反映,依家香港嘅位置,同埋香港有唔少親共派嘅賣港賊,係完全唔理香港嘅歷史同安身立命位置,立心為一已之私毀滅香港,呢啲友仔我真係一啲都唔同佢客氣。

發表迴響

你的電子郵件位址並不會被公開。 必要欄位標記為 *