金判坤-min

再講點解因 金判坤 撐南韓隊

我尋日寫咗要因 金判坤 撐南韓隊,成班唔知乜走出嚟仇恨南韓嘅友仔走出嚟,有人被我紅牌出場ban咗。呢度,我要寫白啲,如果咁都唔明,香港唔好學人尋求外交外援,喺香港呢個處境,南韓隊過往打茅波都好都要暫時唔理佢。

金判坤 係一個外交橋樑

喺台灣外交受封鎖嘅時間,台灣有一個好強硬嘅盟友,唔係侵總統治下嘅美國,而係日本民眾,日本民眾係主動支持台灣正名,突破台灣外交封鎖。台灣人喺311大地震嘅賑災表現極有關係,但台日友好呢種關係,香港呢個位置唔易做到,因為台灣係選擇同日本關係好嘅前日本屬地,呢個關係係獨一無二,而香港係明治維新嘅啟蒙之地,香港要爭取類似台日之間嘅關係係有難度,港台連結係要另一種手法,當然唔係周庭果種手法,日文好係唔夠,而樣係有一日會變,無可能長期賣萌搞外交。

南韓政府係好多膠人,但南韓嘅國民外交係有得做,因為某程度上,南韓人會感恩,一如依家中國成日攞大韓民國臨時政府啲朵嚟做乜,雖然實際上作出貢獻係蔣介石治下嘅中華民國。而香港人如果因為感謝 金判坤 對港貢獻支持南韓隊,甚至日後有更多韓港連結嘅活動,呢個對壓制部分親華嘅南韓政客不無好處,點解唔為香港最大利益而去做呢件事。

講茅波,歐洲頂級大隊,包括我捧開嘅荷蘭隊都可以好茅,某程度上,南韓隊嘅茅嘢係師承荷蘭嘅,世界盃歷史上最黐線嘅紐倫堡之役(無錯,某人最愛送啲左膠去嘅城市,但紐倫堡大審係審納粹黨班仆街),葡萄牙同荷蘭唔知踢波定踢人,最後踢到成堆紅牌黃牌咁結束場賽事,睇完都黐孖筋,不如話果啲係MMA足球吧。但如果講茅波,非歐亞都如此,點解要專針對南韓?除咗有部分傳媒推波助瀾,而有人睇波唔用腦,我諗唔到第二個解釋,因為係華人地區特別批評南韓茅波,而呢啲係兩面三刀嘅中國人有密切關係,中國共產黨最拿手玩呢啲挑撥情緒。

成日有人問點解香港無李光耀,香港有啲人睇波都左膠成咁,邊度死個李光耀出嚟?李光耀同邱吉爾都係非常時期非常產品,邱吉爾都要喺1941年話縱使希特拉入侵地獄,都要為魔鬼喺下議院美言兩句。有啲人,真係將現實政治呢樣字講到爛晒,多得佢地唔X少。

One thought on “再講點解因 金判坤 撐南韓隊

  1. 南韓人會感恩呢點有點懷疑,畢竟喺中華民國既角度睇,南韓當年轉軚同中共建交,事前係聲都唔聲。

發表迴響

你的電子郵件位址並不會被公開。 必要欄位標記為 *