荷蘭-世界盃-min

星期日休息: 世界盃 與國族認同

我好憎荷蘭叻,但由細到大我都係荷蘭隊支持者, 世界盃 無咗荷蘭隊喺決賽周係爭緊啲嘢。但對我嚟講,荷蘭嘅球技同打法固然係好睇,只不過,我睇波好大程度上係國族認同嘅反映,我捧嘅五隊波,荷蘭、英格蘭、蘇格蘭、香港、德國,其實都係我嘅國族認同有關,唔係同隊波有無機會攞 世界盃 有關,我唔做勝利球迷。

世界盃 同國族認同

先講荷蘭,由細到大捧荷蘭,因為荷蘭係我家鄉印尼嘅前宗主國,其實BREXIT未必對我影響好大,因為作為前荷蘭國民嘅子女,其實BREXIT係好小事,只不過喺感情上我唔想BREXIT。我好細個就知荷蘭同印尼之間嘅歷史,所以 世界盃 由細到大捧荷蘭,對我嚟講,係我知呢個國家,某程度上係我來源嘅一部分,而且對華人,荷蘭係叫幫咗好多。

跟住英格蘭同蘇格蘭,呢兩個「國家」係我護照嘅國家,我一向理論係,除非我無得揀,我有得揀嘅,我揸乜護照,就係乜國家嘅人,我揸英國護照就係英國人,捧英格蘭今年係理所當然,因為聯合王國得佢係入到決賽周。但由於BREXIT問題,如果蘇格蘭都入決賽周,其實我會捧蘇格蘭多過英格蘭,因為我對BREXIT呢場世紀大鬧劇絕不認同,依家英格蘭成班友都係一班Sleepwalker,話英國Home Office主動提供一個簡單方法解決EU Citizen BREXIT後居留英國嘅問題,但好多BREXITER會反對,過唔過到國會我有保留,而既然係咁留EU Citizen,又當初何必咁玩。一個留喺EU大家庭嘅聯合王國,係我所認同嘅英國。

香港,唔駛講,果個係我成長嘅地方,大家都知我對香港問題嘅睇法,雖然好多香港人我係恨鐵不成鋼,而我捧嘅香港隊,好大程度上係掛住香港旗果隊香港隊,必須對香港呢個地方效忠。所以如果土共持續騎劫香港足總,香港年青一代想踢波,不妨學科索沃人,喺唔同歐洲國家嘅球隊落腳,借其他國家嘅隊報一箭之仇都不必為一個方法,抗爭係可以無處不在,只不過,呢啲嘢,左膠,或者一啲所謂自治撚係永遠都唔講。

最後係德國,德國係我自己選擇安身立命嘅地方之一,我支持德國隊係理所當然,我唔係為賣波衫,或紀念品,講真,香港捧英格蘭隊嘅人大把,我作為親英派,不如賣英格蘭波衫或足總精品,何苦賣德國,對我嚟講,我住喺德國,就有責任將德國波推廣,亦會肉緊德國波打成點,3月23日,西班牙對德國嘅國家隊熱身賽我有去睇,但果陣我已經擔心德國波係唔對路,因為打得一啲鬥心都無,果然去到打墨西哥都無改善,係對瑞典果場打逆境波至打番起個意志,雖然德國以往唔係打逆境波嘅專家。

而德國人果種愛國,喺足球上果種愛國,唔係中國人果挺打飛機車大炮愛國,以挖礦聞名嘅Löw,佢其實極受公眾壓力,雖然德國國家隊嘅廣告實分佢嘅一份(呢個亦係某程度上德國陸軍參謀本部傳統嘅殘存,德國係極尊重陸軍參謀,呢種傳統反映番喺德國國家隊教練所受嘅尊榮之上,唔尊重參謀果啲仆街,十之八九將國家導向災難,例如威廉二世同希特拉),但德國人,特別傳媒對教練問責亦十分之恐怖,無論輸波定贏波,ZDF或ARD嘅節目,或者啲電視台甚至報紙嘅報導,都係審犯咁處理。所以呢種壓力下,教練唔改策略就保證返到德國被人鏟到上天花板,所以呢次德國叫打番真正實力。你估中國人,乜叉嘢都唔檢討,唔問責,無言論自由嘅國家就無問責,足球到建築工程都處處豆腐渣,你估無解㗎,呢一切都有解。德國呢種民族主義,相對健康得多,我可以好熱情咁支持你們,甚至教練收嘅廣告量同球星都有得揮,但如果統帥犯錯唔做足功課,你就有排你受,一切都係為咗追求完美。我相信,香港人應該學,係呢種態度,唔係土共果啲,對土共自己人特別鬆手,呢啲就叫中國人。

所以足球可唔可以好政治,係可以好政治,甚至由此可以話俾大家聽,乜嘢叫做真問責。德國ZDF嘅搞笑政治節目Heute-show,主持Oliver Welke係專業講波佬嚟,ZDF負責嘅賽事,唔少由佢操刀。所以,唔好同我講足球無關政治,亦都請民建聯班勝利球迷fxxk off, 世界盃 唔關你班友事。

後話:以香港時評界論,除咗馬嶽教授,仲有邊個適合講波?

發表迴響

你的電子郵件位址並不會被公開。 必要欄位標記為 *