世界盃-政治-min-FIFA

FIFA 成班仆街都係無X用

雖然德國對瑞典睇到好多人神經衰弱(至少喺德國係,我捧波係我嘅國族認同有關,唔係同強唔強有關),但我仲係想講瑞士對塞爾維亞果場波,因為 FIFA 打算對Xherdan Shaqiri嘅慶祝手勢秋後算賬,我心諗,你班 FIFA 嘅仆街,收咗成堆中國贊助,就打壓科索沃,你班友返去仆街喇。

FIFA 打壓Xherdan Shaqiri係應中國要求

中國隊係一隊垃圾波,大家公認,但由於今年俄國世界盃明顯係被美國同歐洲企業杯葛,所以出咗大量中國嚟嘅廣告,例如Hisense,同埋飲到美斯連射門能力都無埋嘅蒙牛等等,所以我相信, FIFA 依家成班友都做晒中國嘅契弟,否則點會香港會被亞洲足協罰至得,大家都知中國人有幾蠻橫同玻璃心。如果呢鋪瑞士出身科索沃嘅射手都可以咁玩,大家諗吓日後世界盃外圍賽香港啲球迷甚至球員會玩乜,所以塞爾維亞係仆街,但塞爾維亞嘅長期盟友,即係中國,就更加之仆街,所以邊個打壓Xherdan Shaqiri,我相信果個國家叫中國,塞爾維亞都係借刀。由第一次大戰,到依家,塞爾維亞都係一啲國家借刀嘅工具,1914年係俄國借刀用,而依家係中國借刀用,本質如一,根本係民族性嚟。

所以我個人係反對塞爾維亞加入歐盟,一日塞爾維亞唔承認科索沃獨立,都咪駛旨意加入歐盟,叫班友返去早抖喇,塞爾維亞可以同科索沃談判,要求科索沃保護仍然留喺當地嘅塞爾維亞裔人利益,但絕對唔係喺全世界一百多個國家承認嘅情況下,仲喺度拒絕承認科索沃獨立。一如我今年任何可以擊敗西班牙嘅波都支持,我叫西班牙叫Hi班牙,因為西班牙喺加泰隆尼亞獨立問題嘅野蠻態度,呢啲國家係要得到應有嘅懲罰。所以雖然C朗拿度一條友踢晒成隊葡萄牙係好唔健康,而C朗拿度狂射西班牙個龍門,應該係同西班牙個稅局有關,只不過,佢射得入3球就係好嘢,好大程度上,呢啲係有政治情緒在內嘅恩怨。

你唔好同我講足球無關政治,邊個講足球無關政治,呢啲王菀之嘅朋友,世界盃唔啱你睇,世界盃係取代戰爭嘅解決民族矛盾場所,知道未?

發表迴響

你的電子郵件位址並不會被公開。 必要欄位標記為 *