世界盃-政治-min-FIFA

世界盃 就係政治嘅一部分

6月23日香港時間凌晨,歐洲時間6月22日晚上,瑞士對塞爾維亞場波堅好睇,瑞士佬打得好搏,後嚟知道兩個射手,一個射手係阿爾巴尼亞血統,一個射手直頭係科索沃人。所以塞爾維亞呢班同中國玻璃心一樣咁仆街嘅友仔,就走去FIFA投訴。不過FIFA總部據聞喺瑞士,我怕咁投訴,FIFA啲高層會有啲煩。

世界盃 本來就係政治

世界盃 一直都好政治,特別啲恩怨情仇波,如果塞爾維亞有幸晉級,然後淘汰賽係克羅地亞對塞爾維亞仲精彩,我恐怕場波場外衝突足以搞到歐盟同俄國關係再度緊張,因為俄國係偏幫塞爾維亞,雖然塞爾維亞好想入歐盟,而克羅地亞人好憎塞爾維亞人,南斯拉夫內戰嘅先聲,其實就係南斯拉夫各族足球賽之間嘅球迷大戰,經常球迷講手收場。所以瑞士對塞爾維亞果場波特別搏係正常,嚟自科索沃Xherdan Shaqiri,佢對波boot,一隻縫瑞士國旗,一隻縫科索沃國旗,呢場絕對係C朗拿度一條友全取西班牙3分以嚟最有火藥味一場波,呢啲係家仇國恨嘅問題。當然,C朗拿度實際上係將佢對西班牙稅局嘅怨恨,全部發洩喺西班牙個龍門度,果場波點解搞成咁,西班牙國家隊教練可以搵日同稅局商量吓,追稅儘量避開世界盃嘅時間。

中國打壓香港,因為香港人學加泰隆尼亞人咁,當眾噓中國呢班殖民者,仲要立國歌法呢啲惡法,你估靠國歌法可以打壓香港人,搞到香港足球垃圾咁可以打壓香港人?Xherdan Shaqiri教咗我們一樣嘢,如果你有英籍身份,應該全力喺英國學好踢波,有朝一日代表聯合王國四隊國家隊是但一隊,甚至可以加入其他亞洲國家嘅球隊都可以,總之就係要令中國國家隊洋相盡出,而大家知道香港人係踢到波,係你班中國人打壓香港人,至搞成咁咋。科索沃人口遠比香港少好多,大家都知。甚至用香港人剩餘嘅歐盟公民身份,雖然好似天方夜譚,但加入加泰隆尼亞de facto國家隊嘅巴塞隆那,都不失為一個可以考慮嘅選擇嚟。

世界盃 從來都係政治一部分,講波唔識政治就真係自欺欺人。

圖片係嚟自膠事錄嘅。

發表迴響

你的電子郵件位址並不會被公開。 必要欄位標記為 *