C919-min

C919 玩到停飛正常不過

梁振英 較早前用嚟打飛機用嘅 C919 ,因為試飛機嘅碳纖維複合物料出事,結果要全面停飛,而油缸都要做過,雖然一向親共嘅民航處喺政府指令下幫 C919 ,但中國點打飛機都好,只要呢個國家賊性難改,都唔可能再飛到 C919 。

C919 點解會全方位出事

首先,中國嘅貪污問題,本身已經係 C919 出事嘅保證,你諗吓連遼寧號嘅工程都可以出事,你覺得 C919 嘅工程有乜可能唔因貪腐而出事,根本係天方夜譚嚟。所以 C919 係一定會出事,係爭在邊度出問題,反而波音同Airbus係唔敢喺貪腐上出問題,一方面兩間公司係巨無霸,另一方面,如果貪腐出事就會無咗美軍合約,畢竟美軍到依家對裝備要求都極高,唔會俾你係咁馬虎了事,你估大艦巨炮主義咁容易㗎。

另一方面,中國 C919 嘅技術,當中有幾多係抄人或者偷返嚟,抄人或偷返嚟最大問題係因為唔係原裝,東抄西襲,無咗關鍵部分嘅知識就會炒鑊甘。中國喺碳纖維複合物料,有我未聽聞過有關鍵技術,好多重要技術唔喺美國就喺歐洲,所以啲技術有關鍵部分過唔關,好正常,特別中國本身唔係化學大國,而只不過係元素周期表大國,我指國民所食嘅有毒物質,近乎將元素周期表啲化學元素食晒咁滯果隻,你話你搞乜春飛機至得,開玩笑咩。

所以中國成日話強國,梁振英仲好意思攞 C919 嚟炫耀,你呢班契弟打飛機就有你份,做飛機就唔會有你份,現代民航飛機,係好多唔同技術綜合嘅結晶,由材料科學、導航、到噴射引擎技術等等都有,所以最終Airbus係幾乎全歐洲嘅大部分技術總和,以應付一個有齊咁多種技術能力嘅美國,而英國就明明有自製飛機(中國曾經用過嘅三叉㦸客機就係英國貨嚟),但最後英國寧願唔玩自製噴射機,和諧機係英法合製,而去到八十年代,就勞斯萊斯專心賺引擎錢好過。美國General Electric引擎技術能力全面,但扇葉部分都係俾番法國佬玩,CFM56始終係美法合製,都係咁解。依家中國呢啲叫自己搞唔掂,未學行先學走,結果仆到成頭血,除咗抵死,我無第二個結論。

發表迴響

你的電子郵件位址並不會被公開。 必要欄位標記為 *