易消達-GMP-min

易消達 都可以有霉菌:香港衛生署廢㗎

香港啲藥係唔買得,呢個我相信本身唔係新聞嚟,只不過簡單好似 易消達 消化酶片都可以食到發霉出事,呢件事就係十分之匪夷所思,田為呢啲藥係好簡單嘅藥,如果咁都出得事,而衛生署居然可以唔採取應該採取嘅行動,香港衛生署就堅係好有問題。

易消達 都出事,叫人點食Generic藥

歐洲啲Generic藥係平到笑,只不過,平到笑還平到笑,基本上大部分EU賣嘅Generic藥都係EU製,同埋受EU自己嘅GMP監管,否則就唔敢以Generic藥作為減省公共醫療開支嘅手段,大家諗吓喺英國TESCO同Boots啲止痛藥嘅價位,比香港平好多,但大家又敢食,就知呢樣嘢係幾重要。如果監管唔到,根本係幾平都假,更何況香港啲藥根本就唔係平。如果監管不當,你覺得醫療保險公司夠膽真係開數俾人買Generic藥,大佬,無實際藥效,只不過將錢擲入鹹水海喎。

依家 易消達 印尼製造都鑊氣大成咁,我想問,中國製造啲藥嘅鑊氣可以去到乜水平,或者當中有效成份有當中幾多係堅,大家會十分之懷疑,印尼係法律問題多多,但中國就一定係更加惡劣,我都仲未計唔少藥依家係印度製造,印度又係一個沒有最膠,只有更膠嘅國家,當大家嘅日常藥物,由私家醫生提供嘅藥物,到藥房藥行賣嘅藥,甚至有喺電視打廣告嘅藥都係咁,香港啲藥你敢食,你嫌命長定係點,呢點我真係十分之懷疑。

我仲喺香港住果陣,其實我啲藥都喺美國買多,除咗計埋郵費都平過香港之外,但更重要係,FDA嘅監管一定比香港衛生署啲所謂監管嚴好多,香港嘅監管根本係不可信任果陣,你仲食喺香港買返嚟嘅藥,根本係一種賭博行為。而呢方面,香港政府一直都無俾一個市民清楚嘅答案,而啲藥廠個個亦擺明hea做,依家估到點解,連 易消達 都可以出啲咁過份嘅騎呢問題,去到一個挑戰人類智商嘅程度。香港真係一個沒有最膠,只有更膠嘅社會。

香港個政府除咗欺壓人民,民生問題一無所知,呢個係香港嘅悲哀,仲有人附和呢個政府,呢啲人唔係白痴,就係人渣,我無諗到第二個描述。

One thought on “易消達 都可以有霉菌:香港衛生署廢㗎

發表迴響

你的電子郵件位址並不會被公開。 必要欄位標記為 *