大麻-min

大麻 合法化係應該考慮

加拿大國會通過 大麻 合法化,喺總督代表女皇簽署後,將會成為第一個准許 大麻 作娛樂用途嘅國家。對華人或者仲未接受到(有啲台灣人嘅評論嚇X死你),只不過,我認為 大麻 合法化,係應該提上日程。甚至香煙都可以合法,點解 大麻 合法化唔得。

大麻 合法化嘅好壞

大麻 藥用合法化,我覺得一早應該做,大佬,成堆更危險嘅精神科藥物都可以用藥用,你同我講對發羊吊有藥用價值嘅 大麻 唔得。英國Border Agency沒收藥用 大麻 果單嘢,仲要本來患者有NHS GP嘅處方都唔俾入,結果成件事膠晒,患者復發入咗院,要由內政大臣發特許狀入口,兼且檢討成個英國藥用 大麻 政策,我唔想用呢類膠事喺香港發生。基於病人需要,對公共衛生系統有利嘅 大麻 入口,本來無反對嘅理由,反對果啲,除咗係白痴,我真係無第二樣嘢可以形容。

跟住係娛樂用 大麻 合法化,其實我係贊成,當 大麻 危害唔見得比尼古丁高果陣,寧願將佢合法化,一方面化成政府稅收,另一方面,係費時黑幫從中取利,咁就可以集中火力對付真正危害公共安全同健康嘅毒品,例如可卡因、海洛英以及各類人工合成毒品,淘寶同阿里巴巴係咁賣合成毒品,但中國公安同馬雲條仆街從來唔理,呢啲簡直係黐線行為。呢啲至係公共安全嘅挑戰,而唔係 大麻 。

喺亞洲地區,無論控煙定禁毒,最大嘅阻礙係一啲白痴嘅塔利班分子,例如明明有科學證據證明電子煙有助戒煙,但兩間大學醫學院,同醫學會要求全面禁電子煙,呢啲就係黐孖筋思維。台灣仲有人堅持 大麻 係毒品,一如果度啲人以為死刑可以解決治安問題一樣,呢啲叫民智未開,仲要係嚴重吧民智未開。

其實人類都係有啲無可改變嘅Sin,你改變唔到人類,就只能兩害取其輕,令執法資源集中喺真係影響深遠嘅嚴重罪案,呢種荷蘭佬思維,香港人係應該學,如果香港有荷蘭佬呢種思維,個社會自由有生氣好多,但執法人員效率可以提升,甚至令一啲社會問題得到控制。但香港果啲儒教膠思維,講句真,堅係害人不淺兼且浪費社會資源。只不過,如果反對 大麻 合法化啲藍屍咁憎呢家嘢,記得退出加拿大國籍先好大大聲講嘢。

2 thoughts on “大麻 合法化係應該考慮

  1. 香港果D係荷蘭叻思維。

    至於儒教嘛,世上最喜歡禁大麻的,甚至為左打擊大麻拉人太多搞到將D暴力重犯提早假釋咁膠既,其實是美國。

  2. 美國近年已經開始改變對大麻O既態度, 當然只限州政府層面, 聯邦政府仍然支持禁絕大麻.

發表迴響

你的電子郵件位址並不會被公開。 必要欄位標記為 *