電子支付-min

電子支付 :香港做番好本分先

有時我真係頂唔順,有啲目光如豆嘅香港人,走去吹捧支付寶所謂 電子支付 ,作為一個歐洲人,我覺得香港有部分人吹捧支付寶根本只係擦中國鞋,有時候,八達通做番好本分,我覺得已經好夠。開放平台嘅電子支付,反而係最重要。

電子支付 :Contactless Debit 卡先喇

喺歐洲,除咗Payback Pay外,其實唔多用QR Code而廣泛使用嘅零售支付平台,大部分嚟講,Contactless Debit Card,同埋POS用流動網絡連接反而至係重要。香港仲有磁帶讀卡嘅EPS,仲要用固網電話線攞authorization,成件事簡直係落後同黐線,如果香港啲銀行,推動Contactless EPS,或者改用Contactless VISA或MasterCard Debit Card,而商戶改用3G網絡嚟攞Code,我覺得已經大有改善(英國、比利時同意大利用GRPS網絡攞信用卡Code,係另一種黐線,無謂佔用頻譜、慢兼且保安有問題)。

而作為香港最大 電子支付 平台八達通,依家問題係,除咗喺卡上讀資料,你無法攞八達通交易數據出嚟,做會計帳目,對消費者以至商業應用都唔好,喺Transport for London,你開一個戶口,已經可以睇番晒你啲Contactless Debit/Credit Card嘅出入紀錄,甚至出埋PDF攞嚟報帳都仲得,荷蘭OV-ChipKaart都有類似功能。我呢次去倫敦公幹,因為全用Contactless Card俾錢,所有行程資料一目了然,甚至Transport for London有無喺Pay as you Go嘅收費上限度額多扣多錢都睇到,消費者係要呢樣嘢,而唔係馬雲果啲QR Code支付,根本係有漏洞。喺德國,Payback Pay果個俾錢QR Code,係用App Generate,兼且只係有效十分鐘,同只做一單交易用,商戶scan用戶App上嘅即時產生QR Code嚟過數,係安全好多。馬雲支付寶或騰訊果種做法,小弟完全不敢恭維,所以我唔知點解咁多香港膠人去吹捧中國所謂 電子支付 ,只係代表某啲人嘅無知,如果你用過西方果啲,你知根本唔係果回事。

我唔想再有人吹捧馬雲呢啲賊,支付寶我係唔會用。

發表迴響

你的電子郵件位址並不會被公開。 必要欄位標記為 *