濕疹-min

濕疹 移民得唔得

最近有單命案,因嚴重 濕疹 ,搞到先殺父母後自殺。當然,香港人處理 濕疹 一啲概念係好奇怪,例如話類固醇對健康唔好所以唔搽類固醇藥膏,大佬,唔搽似乎仲衰。當然,好可能徹底解決嘅方案,係移民第二個國家解決問題。

濕疹 移民配額得唔得?

其實全世界都有唔原因搞到 濕疹 嘅人,但有一種方法,可能係應該世界各國公共衛生系統應該考慮,就係容許患有 濕疹 或其他過敏症嘅人,移民可以令其遠離致敏原嘅國家,免得成為公共醫療系統嘅負擔。如果移民可以令病人同公共醫療系統都得到紓緩壓力,點解唔做呢?特別香港呢啲空氣污染,好多致敏原根本唔係香港政府可以控制,係中國自己搞出嚟,咁除咗因 濕疹 移民,仲有乜計,唔通又嚟一單咁嘅命案,或者啲人經常去公立醫院求診仍然無計可施,大佬,呢啲都係納稅人嘅錢嚟㗎。

好似我自己係鼻敏感同氣管敏感嘅受害者,我喺香港係去到食極藥都唔掂嘅地步,但我去到德國,我住果度已經唔係德國空氣最乾淨,但我個鼻投訴嘅次數已經大大減少,呢個已經係理由。我去到德國,無點成為公共衛生系統嘅負擔,但香港少咗一個長期要用藥嘅友仔,咁唔係幾好。仲要普遍嚟講,由於西方國家嘅Generic藥競爭激烈,藥費係低廉過香港,亦有助減輕病人負擔。

其實搞 濕疹 移民呢家嘢,應該各國商討一下,如果有醫生證明,病人移居他國,唔會對目的地國家構成負擔,但對原居國家同病人本身有重大益處,就可以成為一個移民嘅理由,而且接收移民嘅國家,隨時可能有著數,因為果位移民可能因為用藥減少,其實係有唔錯嘅生產力,對當地作出實質貢獻,其實係有賺嘅移民。甚至可以交換數目,因為有啲人,可能係可能移到香港至覺得舒服,人類免疫系統過敏呢家嘢,有時都幾難解釋。

當然, 濕疹 搞到要離鄉別井睇落好膠,但如果呢個安排,可以為各國公共衛生系統有實質上嘅裨益,其實真係認真傾得過,當然,呢種玩法,一定只有西方民主國家國民之間可以咁做,中國?咪搞喇,多謝晒,全世界啲中國移民搞到世界呢副咁嘅樣,大家都覺好夠。

One thought on “濕疹 移民得唔得

  1. Technically 嚟講,而家醫學上好難確定乜嘢係真正致敏源,一般人如果無機會好似你咁嚮他國生活番一兩年,無足夠證據證明移民可以解決問題。況且皮膚敏感同年齡,生活習慣,工作環境,心理狀態都好有關係。。。

發表迴響

你的電子郵件位址並不會被公開。 必要欄位標記為 *