BNO-李柱銘

BNO 密件下嘅李柱銘

我去咗National Archive睇最新 BNO 密件,當然,大部分內容,我只會同參與咗眾籌計劃嘅人分享(稍後會收到bno.martinoei.com嘅密碼),如果想未來持續支持我工作,當然歡迎繼續出錢支持,因為仲有好多要睇。但呢劑,我release其中一頁密件俾大家,想鬧爆果啲喺度鬧英國,或者泛民果啲人。

BNO 密件下嘅李柱銘

喺 National Archive 一大堆密件中,有一條標題 Hong Kong Nationality: International Support 呢一份,呢份密件我睇咗其中一份(好多份),但最睇到我情緒激動流淚亦係呢一份,呢份講,1989年北京大屠殺後嘅英國外交官,四處游說國際社會,可唔可以收容呢班香港人,當然英國外交官係處處碰壁,游說國家係膠到點,當時啱啱脫離共產黨嘅波蘭、匈牙利,甚至連阿根廷都唔放過,如果話英國係唔負責任,果啲依家揸緊加拿大、澳洲等國護照走去投共嘅仆街,我只能講係忘恩負義。其實英國文官系統裡面,有好多係有心幫香港嘅人,英國都有唔少唔負責任嘅政棍(BREXIT咪連在歐英國人都出賣埋),但亦有唔少喺政府嘅人,係一路幫香港人幫到底,否則唔會有咁多人移民到西方國家。住西方國家走去投共嘅人,除咗仆街,我無其他補充。

而一直喺爭取協助香港人離開,而同英國人並肩而戰果個人,就係李柱銘御用大律師,你可以唔妥泛民大中華膠,但移咗民果啲人,係無資格鬧李柱銘,因為李柱銘係有份幫你班友fight到最後一刻。所以我對香港好多人果種食碗面,反碗底嘅行為,係心都寒晒,我諗有時做人係唔應該係咁。

所以回顧National Archive嘅密件,係可以回顧番邊啲人係真心幫香港,我對自麥理浩以後嘅總督都由衷尊敬,佢地或者做事方式唔同,甚至大家可以對佢地有所誤解,但呢啲政府文件會說話,佢地一直以嚟,都係盡心盡力幫香港人,甚至當中包括唔少倫敦FCO文官,反觀依家香港班友,真係做賊嘅實在太多。

4 thoughts on “BNO 密件下嘅李柱銘

    1. 英國政府唔承擔係有佢歷史背景,不過依家成棚印度同巴基斯坦都嚟咗,事過境遷,遲早大變

  1. 黃先生,可否建議聯絡貴黨MP提問聯合聲明問題 reference 返Lord Patten 同Lord Ashdown 所提的底線,有無機會下周二Jun 26 at 11:30am House of Commons FCO oral questions環節提出呢?

發表迴響

你的電子郵件位址並不會被公開。 必要欄位標記為 *