大阪地震-min

大阪地震 :香港人及其家屬應對方法

大阪地震 ,以震度係無311關東咁強,但由於係淺層地震,同埋關西啲建築物維修管理無關東東京一帶執得咁嚴,所以呢啲城市災情反而係勁過311果鋪。只不過,無核災難嘅話,係唔駛趕住走嘅,呢點我係希望大家留意。

大阪地震 有事點算

眾所周知,中國駐日使館一向都係廢嘅,喺311嘅表現簡直有目共睹,所以,如果你同行齋係有特區護照,我都係果句,你都係分享中國人嘅榮耀吧,你攞得呢本護照就預咗同中國甘苦與共,你估特區護照咁平無原因㗎。

跟住係BC同BNO,雖然大阪係有英國領事館,但由於呢幾年英國慳皮,所以好多領事館都無再提領事服務,我真係唔知FCO諗乜,依家你可以做係搵東京大使館嘅,佢地嘅電話係 (+81) (3) 5211-1100,由於英國駐東京使館有311協助香港人嘅經驗,佢地應該無大問題,如果你驚口講唔好,可以email到[email protected],佢地都應該知道點幫你。我估最濕滯係飛機安排,或者有啲人可能唔見護照之類,如果要Emergency Passport離開,你可能要親去東京一趟,咁唔該順便改埋機票由東京走,免得加重關西機場負擔,你諗吓成班中國大叔大媽因飛機delay或出發唔到無喇喇唱國歌,你同呢啲不識時務嘅友仔一齊都幾羞家。

同埋淺層地震,應該對餘震更提高警覺,因為唔係好似311咁,你主要怕係海嘯多過地震,你依家係城市市郊出現淺層地震,一有餘震就唔知會唔會再有建築物倒塌,或者有火警發生,所以係要小心建築物問題,或火警,多過怕海嘯或者輻射一類,同311情況好唔同,為免加重災區負擔,如果許可嘅話,就搭新幹線向名古屋或九州北部進發,經福岡或者名古屋走,而唔係仲留喺京阪神地區,一方面危險,另一方面,你喺度加重當地民生負擔,完全係無謂嘅行為。同埋近一兩個禮拜,都應該改咗你去日本嘅行程,唔係去京阪神,因為安全同對當地民生負擔都係一個問題,當然你係做義工協助救災就多多歡迎,又另作別論。

2 thoughts on “大阪地震 :香港人及其家屬應對方法

  1. 可惜香港人普遍只係會諗:我請晒假花咗二千幾喺酒店食宿,唔去咪好蝕?照去呀!日本防災咁有經驗唔驚嘅 …… (風險管理意識?香港人一向都冇,事前永不做功課,有事只會鬼揸咁聲,或上網留蠢問題求助)

  2. 駛咗錢出唔到發有旅遊保險,所以我成日提啲人一訂好行程就應該買旅遊保險,保障個行程,就算出發唔到都唔會無晒舊錢。

發表迴響

你的電子郵件位址並不會被公開。 必要欄位標記為 *