艾勤賢-min

艾勤賢 應該係被激死

有廉署剋星嘅 艾勤賢 ,喺屋企暈咗之後死咗,大家嘩然,當然七十歲患食道癌,咁唔係出奇,但九個月前確診食道癌,經電療、手術同化療後好轉,近日突然病情惡化,如果呢個情況同唐琳玲條八婆無關,我真係一啲都唔信。

唐琳玲變相殺咗 艾勤賢

艾勤賢 可以返法庭處理繁重嘅大狀工作,證明本來佢病情好轉得唔錯,所以如果話近期復發,好可能就係唐琳玲喺法院視司法如無物嘅胡鬧表現,成個人激親而影響病情,你俾著係我,都隨時心情唔好兩三日,更何況佢係一個有正義感嘅大狀,一個被廉署搞到監都坐過吓嘅大狀,你估惹少㗎。所以 艾勤賢 被激死呢家嘢,我相信都唔會有太多香港人反對,唐琳玲呢位國安人員,好明顯變相殺咗 艾勤賢 ,所以佢嘅死引起香港好大震動,可以理解。

亦因為咁,香港人更加無理由放過唐琳玲,唔單只要追番佢嘅錢,仲要起佢老底,以及佢喺香港仲有乜嘢國安網絡喺度,畢竟依家唔只一個唐琳玲喺香港法院搞事,仲有幾單喺法院影相嘅藐視法庭案件,無理由就咁算數,幾乎係要見一個藐視法庭嘅國安,就要影低佢個樣,以及搵佢個名,唔係由得警察班友俾中國國安治外法權,任由佢地可以喺香港法院胡作非為,今日可以激死 艾勤賢 ,下次係咪可以搞到毒死法官、大狀或被告都唔知,呢啲共產黨手段,你唔會估佢得到。 艾勤賢 都估唔到呢個唐琳玲,可以視香港法院系統如無物到呢個程度喇,你話係唔係先。

香港真係去到一個瘋狂境地,港鐵可以搞到沙中線變活埋線, 艾勤賢 可以被一個中國國安激到死咗,仲有乜嘢荒謬事情未發生嘅呢?雖然以我所知嘅瘋狂事情,係遠比大家想像中仲要多,例如啲五毛可以喺Facebook Hong Kong Limited 全力支援下,可以好容易隊冧你個account,真係沒有最膠,只有更膠。呢個時勢,我喺歐洲可以做到幾多得幾多,一切都只能夠係盡人力,如果唔係可以點樣喇。但有一樣嘢可以肯定,香港嘅法院系統已經徹底敗壞無得救,就算有人有心有力,都隨時要冒被激到死嘅風,仲講法治,我諗蛋治就有份講。

One thought on “艾勤賢 應該係被激死

發表迴響

你的電子郵件位址並不會被公開。 必要欄位標記為 *