海航-min

拯救 海航 :錯誤決定

據彭博報導,中國打算動用大筆公帑拯救 海航 ,而 海航 所孭嘅債務金額,亦唔係大家講係二三千億人民幣,而係接近六千億人民幣。中國決定救 海航 ,即係大家可以留名等睇支爆,由依家種種情況嚟睇,支爆係發生緊,而且隨時係突然大崩潰。

海航 根本係唔救得

如果 海航 唔係負債咁大,我覺得拯救 海航 都未必係壞事,但依家中國政府擺明係 海航 變得too big to fail,所以至侷住出手救佢,特別佢一崩潰引發嘅連鎖反應,並唔係依家中國政府有能力控制得住。如果我話 海航 係中國歷史上最大規模嘅虧空資產行動,我相信並不為過。但問題係,中國要出手救佢,一定係要跟住一個資產重組計劃,一如當年英國政府國有化RBS,其實都係有計劃部署出售呢啲國有化返嚟嘅資產。而 海航 應該喺呢六千億債務爆出街前,至少將香港航空以一個合理價錢出售,又或者可以合理咁沽售德意志銀行嘅股權資產。而唔係依家咁玩,依家嘅情況係, 海航 一定要賤賣資產,因為大家知 海航 爭嘅數太多,根本唔會出一個吸引嘅價錢,結果咪係出事。

依家拯救 海航 ,不單會係中國自己公共財政會搭沉船,而且歐洲銀行系統一搭沉船就出事。好似 海航 揸住大量德意志銀行,而德意志銀行啱啱將Postbank吸納,成為Deutsche Bank旗下嘅DB Privat- und Firmenkundenbank AG一部分,但德國唔係玩好似英國Ringfencing政策,一旦德意志銀行investment banking嘅部分出事,就肯定全德國好多人生計大受影響,跟住最大劑係 海航 果啲德意志銀行股權實凍過水,因為吸收咗Postbank後,Postbank喺德國其實係類似HSBC HK裡面恆生銀行之類嘅物體,除咗Sparkasse外最多人用嘅銀行系統,屆時德國政府無得唔玩國有化救德意志銀行,你睇到英國國有化RBS嘅經驗,你覺得 海航 手上啲股權屆時有渣剩?

拯救 海航 錯誤決定,我都可以幾肯定咁講。

後話:好多香港人以為可以喺香港開個HSBC UK戶口,做到資產避險,唔係囉,我會喺Medium嘅文詳細講。

3 thoughts on “拯救 海航 :錯誤決定

  1. 3千億變6千億?如果是我寫夠它8千億,反正你都會全力去救,拿2千億元落袋都好!貪官的哲學.如現在的香港也學得很快:如何把國家資產變成自己口袋資產! 我記得幾年前有個G13+2歐洲峰會,為防止全球經濟衰退而叫大家大印銀紙.所以如有金融風暴大家也是活該的.沒有一個是無辜的.歐洲或中國,我以為你很有錢,你又以為我很有錢,到水退時看看那個沒有穿褲子!如梁X英叫人上大灣區工作,但上面的失業率還高過香港,把自己的問題推向別人!一帶一路也是,你產能過盛你的事,為何把過盛的推向其他國家?我又不需要這些建設?這是變相的輸出貧窮,給國內無工開的工人有工作,而政治及意識上就輸出共產主義的腐敗,同它當初向世界許下的諾言相反.

發表迴響

你的電子郵件位址並不會被公開。 必要欄位標記為 *