沙中線-min

沙中線 已經玩完

沙中線 嘅醜聞沒完沒了,甚至去到一個成條線應該會玩完嘅地步,因為依家離譜到會展站嘅深層支架偷工減料,一旦有乜冬瓜豆腐,就一定成個會展站連同附近嘅商業大廈,甚至會展都倒塌,咁仲得了嘅,所以依家香港政府無得唔停咗佢。

沙中線 點解玩完

會展站係 沙中線 玩完嘅關鍵,當然禮頓亞洲係其中一個麻煩重點,依家禮頓亞洲係德國公司旗下,德國公司無理由容許咁樣玩法嘅,但問題係,禮頓亞洲同UGL隸屬同一集團,而港鐵公司政府又係大股東,你覺得件事乜關係都無,梁振英呃鬼食豆腐都唔係咁,梁振英日日追斬蘋果日報有鬼用,依家呢個關係過於明顯,係盲嘅都幾乎睇到,呢條友賤人就係賤人,我真係唔知仲有乜嘢好講喇。UGL案一日唔採取行動,我都唔認為香港啲工程仲有公道可以講。

但有一個重點中嘅重點,反而係中國建築,呢次會展站出事係中國建築,雖然係禮頓聯營,點解土共唔追殺中國建築?中國建築鉛水果鑊都未對公眾有一個清楚明確嘅交代,係家又嚟會展站事件,究竟中國建築呢間貪腐公司,喺香港建築工程度埋落幾多未知嘅計時炸彈,我真係木宰羊,所以土共如果一味只係打禮頓,又唔敢打UGL案,又唔打中國建築,證明呢班無恥之人,係幫緊真凶轉移視線,呢啲幫手轉移視線嘅友仔,係賤人嘅賤人,果件倫敦人西先生係同一樣嘅貨色嚟,必須大家追殺佢地九十九條街至得。

依家都有樣嘢可以肯定,就係沙中線已經玩完,而中國高鐵香港段依家睇落無問題,都好可能係表面上無事,一旦有事就大鑊到爆,如果你唔想被活埋嘅話,我相信都無乜人敢坐中國高鐵香港段或者沙中線,因為根本無人知仲有幾多醜聞喺後面,根本係一個無底深潭,而喺中國支爆在即嘅時間,中國越水緊,越要追加預算,問題亦會越多,香港人仲甘願俾呢班賣港賊當羊牯咁劏,有部分香港人蠢到乜嘢程度,或者無恥到乜嘢程度,大家都有好清楚嘅答案。

後話:如果你想將Facebook戶口搬到EU,可以考慮英國Prepaid SIM卡加UK VPN,如果有需要購買嘅,可以問我。

2 thoughts on “沙中線 已經玩完

發表迴響

你的電子郵件位址並不會被公開。 必要欄位標記為 *