世界盃-冰島-min

世界盃 冰島得 ,點解香港唔得

今年 世界盃 睇落好精彩,特別係冰島,門將可以撲救美斯嘅十二碼,雖然美斯嘅十二碼,我唔係睇慣波都知佢係削,正如英格蘭嘅十二碼都係削,否則唔會有賭波公司開出「愛國」盤口,如果英格蘭因互射十二碼而輸波,原銀奉還。但冰島喺 世界盃 故事,除咗係陳奕迅頒個最佳球員俾佢地外,香港人仲可以學到啲乜?

世界盃 冰島嘅意志

冰島 世界盃 嘅國腳,基本上堅係業餘球隊人員,領隊係牙醫,唔係德國國家隊果種,教練係全職,可以咁多屆係咁諗啲新策略出嚟(基本上,佢只不過將德國陸軍參謀本部果種設置思維,喺國家足球隊上實現),果位勇救美斯十二碼嘅門神,雖然都係職業球員,但仍然係拍廣告導演,喺 世界盃 嘅強國都係以職業隊,專業運動員為本嘅大勢下,咁冰島憑乜嘢可以咁勁至得。

其實佢同以前嘅大韓民國隊,甚至過往嘅荷蘭隊一樣,靠係球隊甚至國民意志,一個有足夠國民意志嘅國家,可以打十上十落嘅全能足球,可以主動好似南韓人咁克服體力問題打到盡,可以冰島十分一國民去觀戰去打氣,所以冰島只有三十五萬國民,仍然可以進軍 世界盃 決賽周,亦都係咁解。如果你無呢個意志,你想學人進軍 世界盃 決賽周,我諗有難度。所以,香港如果唔係中共以行政手段打壓香港足球,例如拆咗傑志個訓練場,或者迫喺傑志訓練場起樓(又唔見荷蘭叻幫傑志出聲,如果高爾夫球場肯割讓部分土地俾傑志或香港搞足球訓練中心,我諗高爾夫球會班友少多圍攻,只不過,佢地識條鐵,荷蘭叻係假球迷嚟),我相信,香港點可能唔會進軍到 世界盃 。入唔入到 世界盃 與否,特別打到有紀律,有鬥心嘅足球,呢一切都係意志問題。

但中國呢,點解中國有咁多人口,咁多錢,習近平咁希望進軍 世界盃 ,中國男子足球隊都係垃圾,中國人除咗打飛機,做乜都無意志,乜嘢都得個講字,呢種國家點可能入到世界盃,講玩咩。你要打到 世界盃 決賽周,講嚟講去,都係一個意志問題,呢個亦係世界盃比起職業足球賽可以引嚟更多人睇嘅地方。聯賽可以係一種宗教,可以係市民對城市嘅感情(好似我住果個德國城市嘅球迷係),但國家球隊,睇係全民意志。

發表迴響

你的電子郵件位址並不會被公開。 必要欄位標記為 *