地方政府-min

地方政府 出唔到糧即係支爆緊

好多人見到養老金已經乾塘都唔信會支爆,只不過,湖南耒陽搞到要唔對公務員出糧,出現第一單 地方政府 出唔到糧嘅事,就好大件事。中國唔係美國,美國 地方政府 破產唔會令聯邦政府出事,但中國 地方政府 出事就民變都似。

地方政府 破產點解大件事

美國地方政府有好多種,除咗州政府,仲有唔少地方政府,其實法人地位同公司類近,甚至剩番幾條友政府都有(係成個政府連官員剩幾條友),財政獨立,所以美國 地方政府 破產,最多治安由其他鄰近地區,甚至由國民警衛軍take over都可以。但中國唔係,中國 地方政府 係專政工具,你試吓公安無糧出會點,上訪叫小事,小則就私底下強搶民產,大則就真係作反,係堅會出事。所以地方債呢個問題,係無可能唔妥善處理,當中共嘅專政工具無金錢注入果陣,就會開始崩潰,中共政權就好容易因小事望風而逃。中國人並唔係二次大戰果陣嘅日本人或德國人咁有紀律同對國家盲目忠心,中國人係比二次大戰果陣意大利更不如,呢種情況無戰鬥力可言。

唔好講乜嘢,點解馬來西亞國陣政權會瓦解,因為納吉貪晒啲錢,啲錢幾乎吸乾吸淨,無錢派落下面,巫統有好多基層食花生,所以馬哈迪可以如入無人之境,掀起馬來海嘯實現政黨輪替。中國情況都會類似,一旦出現大事,地方政府啲官員會個個食花生,或乘機搵機會做山寨王,屆時真係仲衰過軍閥割據,絕對唔係一件可以講笑嘅事,所以依家 地方政府 出唔到糧,短期係金融動盪嘅開始,依家正正係我所講嘅支爆,中共政權開始土崩瓦解,地方基層政權因為無錢或被人貪晒,公務員無心戀戰,甚至自己做埋上訪戶,然後一路路瓦解。大家記住,湖南都搞到咁,其他更窮嘅省市,會唔會有更爆嘅事,我自己都想知。中國因為突發事件一瓦解,就會亂,而且衰過民國年代。

既然根本支爆緊,但依家香港人仲喺一個未燒到埋身嘅年代,可以逃走就各安天命,對於一個研究中共黨史嘅人,中共無法喺財政上維持專政機器運作,就係覆亡先兆,而且難以逆轉,中共嘅處境,唔會比金正恩好得太多。

發表迴響

你的電子郵件位址並不會被公開。 必要欄位標記為 *