養老金-支爆-min

養老金 剩咁少錢真留名睇支爆

有時睇中國新聞,特別共產黨故弄玄虛啲嘢,真係要一嘢點破,好似乜嘢《國務院關於建立企業職工基本養老保險基金中央調劑制度的通知》,中國啲文件,好多文字水蛇春咁長兼不知所云,但講明就大鑊,就係七個富裕省市要補貼全國其餘省市 養老金 ,就算係咁全國 養老金 都係夠俾十七個月。咁就真係大X鑊,點只支爆咁簡單,留名等睇中國內戰。

養老金 點解只係剩番十七個月都唔夠

首先一個根本問題係,點解全中國 養老金 只剩番十七個月,同埋點解全中國得七個省市有盈餘,係唔係根本中國經濟係空嘅呢,否則至少中原地區嘅主要省市都應該有少量盈餘,或收支平衡,唔會七個富裕省市去支撐三分二嘅 養老金 收入,呢件事完全係荒謬絕倫。相信,中國嚴重走資掏空嚴重,如果照咁推算,中國根本係一個空殻嚟, 養老金 都出事,我唔信社保基金,或其他類似嘅social security fund都會出類似嘅問題,屆時大家諗吓乜事,堅係跳海都唔掂。

但呢個劫富濟貧嘅玩法仲有一個問題,就係催生呢個七個省市嘅獨立運動,特別廣東省同上海市。

依家中國其餘省市玩出事,要呢七個省市孭,點都唔妥,大家留意2017年12月嘅報導

廣東一省就以7258億元的累計結餘佔總累計結餘的近兩成。除此之外,北京、江蘇、浙江、山東、四川、上海、山西、安徽等8個地區2016年企業養老基金的累計結餘也紛紛過了千億,大部分企業養老基金累計結餘都集中在這幾個地區。

好喇,點解多兩個省市無盈餘,固然係一個問題。跟住全國兩成結餘都喺廣東省,我相信跟住就係上海、浙江、安徽等地區,你個腦正常都會認為呢件事唔妥,特別以中國人果種性格。仲要本來上海市同廣東省係有相對完整嘅獨立訴求,上海市有人打出工部局旗(根本係抄香港打香港旗果個邏輯,但用工部局旗,我贊成嘅,如果上海係以一個國際化城市作為立市精神,甚至上海英文拼寫方法直頭用法文算,Changhai),我相信咁玩法係會堅出事。所以我話係支爆咗,啲人唔信支爆,根本係有啲人連基本事實同數據都唔睇,出咗事第一個送晒佢地去太平洋餵鯊魚算。

One thought on “養老金 剩咁少錢真留名睇支爆

  1. 在星期五光明頂節目,陶傑也分析個這個問題!有3千億逆差,你開放1千億市場有什麼問題?你還有2千億穩守著!鮑SIR的分析是可能他不是不想開放比美國而是他真的無錢去買,他是個空心老官.老實說汽車市場開放比美國有什麼作用,事實上國內的汽車市場根本以經飽和.這裡明天市民廣場又有汽車展.差不多每季都有汽車展,如果不是汽車銷路差也不用攪大龍鳳來吸引買家!開放金融業準入又是,我看某宗教新聞台(未經核實).是可比外資持多過51%股權,但他同時提高外資企業資產門檻,根本很多跨國大企業或銀行也達不到要求,所謂的讓步根本是忽悠你的.

發表迴響

你的電子郵件位址並不會被公開。 必要欄位標記為 *