匯豐-加息-min

匯豐 加息等爆機

Trump決定堅打貿易戰,五百億美金嘅中國產品收25%關稅固然好甘,只不過,有一場大風暴應該好快嚟講,如果處理不當大家都可以係咁先,就係 匯豐 打算再加定期息率,呢個消息,預示咗快將加息,有乜事真係唔知點走。

匯豐 唔會長期玩補貼

本來定期息率,已經可以預示未來利率走勢,因為銀行唔會做賺唔到錢嘅生意,用得高息去鎖死你啲錢,就係為節省資本成金,除咗美港息差之外,中國依家無外來嘅熱錢流入,反而啲錢係咁流走,而靠出口流入嘅錢,亦肯定會越嚟越少,即係中國根本唔夠錢,中國啲息咁高,實有冒險家嚟香港想借錢,隨時借完就走人。即係香港有資金上嘅壓力,點可能唔會加最優惠利率,都好大機會喺未來半年就加息,畢竟銀行都係要靠賺息差賺錢,做息差生意,呢個係銀行嘅本業嚟。

匯豐 加息最大鑊係加樓按息,以依家嘅唔合理樓價,一旦加樓息,就好多人都會頂唔住,連鎖反應一嚟就後果好嚴重,所以基本上,依家樓市已經去到一個高處不勝寒嘅位,因為唔會有大量廉價嘅資金去支撐投機性質嘅樓市,依家樓市性質明顯係投機為主。跟住,銀行就隨時要call loan,或者出現有人找唔到數嘅問題,一環扣一環,你覺得個市唔會爆?無乜可能。況且你仲唔知特朗普仲會出乜嘢怪招。

而加息,雖然係定期息,但都係一個訊號,要走依家好走人,而且銀行系統一定要小心,因為呢次銀行系統難免出事, 匯豐 係防患於未然嘅情況下加息,大家諗吓,同樣係HSBC,依家係HSBC UK喺BREXIT混亂而情況不明嘅情況下,仍然減到按揭息率,但HSBC HK,就要加定期利息,係等幾時樓按加息,其實資金嘅流向好清楚,HSBC呢啲跨國銀行優勢係,佢地其實知道國際資金大形勢點走,HSBC睇到成個full picture果陣,仲唔採取果斷行動。你只要識比較HSBC UK同HSBC HK嘅決定,就會明依家個市發生乜事。如果要搵資金避難所,香港絕對唔係好地方,歐洲國家應該係香港人有能力去得到嘅資金避難所,依家仲投資中國果個一定係傻佬。

One thought on “匯豐 加息等爆機

  1. 隨着美國進入加息周期
    香港跟隨美國加息步伐
    中國各大機構在香港借貸成本必然大幅上升
    加上熱錢會藉着這個機會流向美元區
    中國會有大量外資撤離
    加上工業已經轉移離開中國
    這個時候會引發好多中國企業債務違約
    加上生產力過剩
    就會觸發新一輪嘅金融風暴
    即係支爆

    中國經濟從來只係一個外殼
    你再講中國民生就更加不知所謂,我從來唔覺得中國人生存得好好,連最基本嘅清潔食物同食水都沒有

    根本就係一個向權力傾斜嘅國家,百姓生活苦不堪言

發表迴響

你的電子郵件位址並不會被公開。 必要欄位標記為 *