梁粉-梁振英

梁粉 一件又一件死咗:梁振英擦存在感理由

梁振英近日十分有興緻打蘋果日報,甚至去到一個阿煩膠嘅地步,其實蘋果日報嘅影響已經都跌緊(我喺Medium會有文分析蘋果日報依家嘅問題),但點解梁振英仲要咁。 梁粉 依家一件又一件被林鄭月娥射落嚟,係梁振英出手嘅關鍵。

梁粉 搵食集團

乜嘢叫 梁粉 ,你唔會見林粉,所以 梁粉 並唔係真係梁振英嘅粉絲,而係一個不折不扣嘅搵食集團,成班無料扮四條嘅所謂專業人士(定專業人粉),喺梁振英一人上位後雞犬升天,佔據香港各個重要位置胡作非為,甚至大吸油水,成件事十分之中國人。台灣政治最惡劣嘅酬庸政治,攞官營公司嘅高層作為政治酬庸嘅手段,香港都一樣,只不過取而代之,變成各個suppose應該係半獨立代表市民嘅諮詢或監察組織,或半公營機構。

所以依家梁振英不斷擦存在感,其實係要保住喺政府各角落嘅 梁粉 ,透過向北京無限表忠,希望留住喺政府嘅 梁粉 ,達致佢保持權力嘅目的,林鄭月娥變咗佢嘅傀儡。依家呢啲半公營組織或諮詢機構被斬手腳差唔多,下一個隨時係財政司司長、民政事務局局長呢啲大位,依家你覺得梁振英無權,唔係囉,但如果林鄭月娥咁一個個剁落嚟,就係另一回事。

而點解佢要斬蘋果日報,一方面,大家知道梁振英係邊份報紙扶佢上位,果間報館嘅名唔講,但睇《新聞導火線》嘅,大家會知。另一方面,依家林鄭月娥仲係想統戰民主黨,而蘋果日報係民主黨最大統戰價值所在之一,梁振英喺林鄭月娥呢次權鬥中,梗係要打蘋果日報呢個戰略位置,加上佢仲以為,北京根本係唔鍾意蘋果日報,大概梁振英對中共黨內嘅最新形勢,所知都係十分之有限公司。或者佢知依家習系開始攞《蘋果日報》放風,佢自己心裡慌張,跟住亂打廿四,畢竟梁振英,由頭到尾都係一個呃北京搵飯食嘅死仆街,並唔係根正苗紅。

人走茶涼,人亡政息,呢八個字,只不過係基本不過嘅殘酷政治現實,人治嘅國家就係咁,梁振英想靠亂批鬥亂鬥爭可以穩住果啲唔應份嘅權力,叫佢返去早抖喇,中共唔搵中國嚟嘅人先鬥臭佢再取代已經叫好好彩,要表忠?攞把刀自閹先,仲要微信直播。

發表迴響

你的電子郵件位址並不會被公開。 必要欄位標記為 *