無神論者的巴別塔-劉正-陳澤滔

無神論者的巴別塔 鬧陳澤滔前照吓鏡

本來 無神論者的巴別塔 ,即係劉正,如果佢肯專心做好香港電台個節目,本來都唔想打佢。只不過,條友近日又發作,呢次佢無端端丙,四處向泛民各黨派求援,停咗觀塘音樂噴泉果個荒謬project,做區有功,呢啲扮塔利班嘅政治神棍,就狂打有可能贏到區嘅本土派陳澤滔,咁呀,我依家身在倫敦發炮郁佢。

無神論者的巴別塔 識唔識搞政治

陳澤滔係本土派罕有有圓滑性格嘅人,其實唔係個個都要太三尖八角,正如台灣民進黨都有柯建銘,柯建銘最出名係乜嘢,「喬事情」,佢係以圓滑有名,如果佢唔夠圓滑,民進黨喺議會過往好多運作一定更痛苦,喺戰略上,一定要有呢啲人,正如人民行動黨,李光耀個人太硬淨,但係吳慶瑞、李炯才呢啲夠圓滑,李光耀嘅性格同本質,係一啲都唔圓滑,典型嘅南洋硬骨頭。所以我對陳澤滔嘅作為好高興,佢箍到泛民嘅票,你唔係要讚佢咩,仲要丙佢乜嘢奶完高澤斌再奶區諾軒。大佬,陳澤滔無賣屎忽呀,唔會好似楊岳橋呢啲又無gut又一事無成。

同埋,劉正你自己照吓鏡,你呢個所謂 無神論者的巴別塔 ,最初奶黃毓民,之後又奶蕭若元,喺蕭黃分裂果陣果奶蕭若元,蕭若元依家無平台俾佢玩,就奶番黃毓民,咁我又要點評你。你又要扮晒反政府,但你老婆又係差婆,審梁天琦果個法官,老公係警隊高層,都被人質疑唔適合審梁天琦案,如果我話你係差婆嘅老公,咁你又有無資格鬧陳澤滔咁,似乎你仲衰過陳澤滔多多聲,陳澤滔都話成功叫停咗一個膠到無朋友嘅大白象project,雖然依家班土共興亂起行人天橋嚟昆錢。(只不過朱凱迪出fake news又係要丙,呢個稍後先處理)。

如果 無神論者的巴別塔 喺五夜講場求吓表現,都話好啲,但經濟本來唔係劉正強項,歷史就話係劉正嘅本科,依家大部分人睇《學人講經濟》其實都係睇阮穎嫻,我諗搵孫柏文或高明輝取代仲好睇。依家又要唔顧身世發表呢啲不知所謂評論,有時有啲人想成一家之言而不能,問題係出自果個人本身,有啲嘢,有啲人係自己嘅修為問題,唔好怪自己嘅作為。

發表迴響

你的電子郵件位址並不會被公開。 必要欄位標記為 *