Trump-Kim-1

Trump 果然係美國第一推銷員

對唔喺美國生活嘅人嚟講, Trump 對大家印象係癲佬一個,當然大家無見過佢點做Deal,只不過, Trump 果然係一個經驗豐富嘅地產推銷員,佢播俾金正恩果段,無錯,風格娘到爆廠,但以推銷嚟講,呢個係經典案例。

Trump 充分認識佢嘅客戶

首先,大家要睇晒成段片, Trump 攞中央情報局啲情報,嚟做Know your customer嘅工作做到有幾細緻,甚至新加坡點樣暗地裡配合美國,其實呢段片就好清楚。

成件事十分之老土,但呢段片係為金正恩度身訂造,為一個大客專登整一段片,呢個係十分有心機嘅做法,而且點解我話成段片係美國充分搜集過金正恩情報嘅結果,有幾樣嘢:

1. 金正恩同佢老豆金正日,有鋪將自己擺入電影主角嘅癮,而呢個絕對係投其所好嘅作品。

2. 有部分場景,根本係北韓果啲宣傳片玩開,佢玩埋入去,最膠係白馬果段,大家都記得金正日有段喺鏡頭面前騎白馬果幕,你就知道,呢段片投放咗幾多中央情報局嘅研究心血喺度,我第一次見美國佬打心戰,係有英國佬過往果套周密。當然, Trump 係用一個十分之推銷地產嘅手法,去做呢件事,因為成套片好有樓盤廣告味道。

3. Trump 套片其實係霸氣外露,因為套片用一個好推銷員嘅包裝去恐嚇金正恩,你唔接受嘅,一係打到變廢址,一係大家齊齊發財,玩恐嚇可以玩到咁靚,我諗除咗因為美國國力夠強之外,呢啲都係專業推銷技巧嘅運用。

4. 成段片好知道金正恩渴望物質享受,引佢放棄國家,新加坡搵晒啲部長招呼佢,同佢玩足成晚,你估無原因㗎,呢啲嘢,證明新加坡官員執行能力唔錯。

所以 Trump 係用佢平生傾Deal嘅功力,去傾北韓個Deal返嚟,仲要啲人問,點解做declaration無寫點樣叫收貨,你都傻嘅,美國無話依家解除制裁,美國係睇北韓表現去解除制裁,呢份係做生意嘅MOU嚟。依家中國考慮放鬆制裁,反而係食相太難睇,阿水都知你中國背後支援北韓玩核彈喇,死仆街。

如果你係讀Business Administration嘅,特別係做地產嘅,唔係再喺中環做街頭霸王,做爛仔打鬥,保險同地產推銷員,相信好多人會向 Trump 學習,畢竟依家香港用緊七十年代美國果套,Out晒喇,香港啲推銷員連 Know your customer都唔做,返去早抖喇。

發表迴響

你的電子郵件位址並不會被公開。 必要欄位標記為 *