Trump-Kim-min

Trump 成功以戰迫和

雖然好多人唔想 Trump 攞諾貝爾和平獎,但以 Trump 居然成功令金正恩肯埋檯講數果種霸氣同態度,你無得唔否認, Trump 果種霸氣同唔怕開片嘅決心,至係維持世界和平嘅王道,以戰方能迫和,應該左膠否認嘅戰略常識,再一次印證出嚟。

Trump 用乜迫金仔找數?

我唔想整個我唔怕啲契弟,因為我最契弟嘅文章系列,只不過由馬哈迪、烏克蘭到 Trump 迫到金正恩埋檯,都反映一個現實,就係只有用我唔怕啲契弟,因為我最契弟哲學生存嘅人,至可能喺國際政治或本地政治鬥爭中生存落嚟,你未必要立心做契弟,但最契弟嘅手段你一定有充分準備去做。一如 Trump 未必好鍾意開片,生意佬其實唔傾向開片解決問題,但喺一個無法院呢樣嘢嘅國際政治,你唔攞把牛肉刀出嚟磨利佢,你係嚇唔到周圍啲契弟,而 Trump 呢個開戰決心,甚至去到新加坡都仲話,如果勢色唔對就立即拉隊走人,佢呢種咪叫Art of Deal,佢傾開生意嘅老江湖氣勢,一同金正恩果啲共產黨靠裝出嚟嘅勢,根本係兩回事嚟。

有人質疑 Trump 喺伊朗核問題上走數,唔好意思,左膠唔好搞錯,伊朗核協議係奧巴馬,同天真嘅歐洲人至會信果班神權神棍, Trump 一直牙齒當金使,佢應承咗將美國駐以色列大使館搬到耶路撤冷,佢做咗,佢應承伊朗如果唔承認以色列呢個國家,佢唔會同伊朗傾落去,佢都做咗,佢係政綱寫過乜,佢堅係做乜,係Obamacare因為 Trump 都認為無必要全廢武功,應該同當年英國引進NHS一樣,永世都唔會有人廢到佢。我係 Trump 都會寧願信金正恩唔信伊朗班友,因為金正恩大家睇侵金會佢個款就明,只不過係一個死𡃁仔,最多係《龍珠》果個吸收咗界王嘅魔人布歐(個look都似),佢只係真小人,要有著數,甚至佢係享樂主義,新加坡外長用成晚時間陪佢wet,好有解嘅,但伊朗係一班神棍偽君子,香港教會都有一大堆伊朗果挺仆街喇,你係 Trump 都信個古惑仔好過信梁美芬、林以諾、管浩鳴呢啲偽君子。

Trump 點解迫到金仔,其實係predictable,我以上文章,市井過市井,無學術用語,亦唔駛學術抄襲。

發表迴響

你的電子郵件位址並不會被公開。 必要欄位標記為 *