新加坡-侵金會-min

新加坡 喺侵金會嘅十年功

侵金會會搞成點,好快就知,好多香港人都好羡慕 新加坡 成為世界舞台,但除咗李光耀嘅亞洲瑞士願景,或者新加坡擁有獨立主權外,仲有乜嘢因素。以香港人依家嘅短視同質素,特別好似梁錦松呢種粉腸嘅質素,我十分之懷疑,就算香港獨立都未必做到 新加坡 果個款。

新加坡 人係一班點嘅人

新加坡 係被踢出街,所以 新加坡 政界中人首要條件,係必須有國防外交嘅清晰思維,否則你個國家就玩完,呢點亦係點解工人黨喺2015年大選無法擴大戰果嘅原因,我係《聯合早報》自己分析過。咁香港人要問自己,依家香港啲人,有無人可以為香港嘅最高利益,思考地緣政治嘅問題?所以我唔食「國際關係」果班友果一套,亦都係咁解,我喺台灣同新加坡報章,寫嘅嘢其實都係屬國家安全範疇。而國家安全,一定唔係好似葉劉淑儀呢啲人渣咁,一開始就諗係用嚟鎮壓人民,新加坡喺使用《內部安全法》呢方面,比起馬來西亞變天之前國陣政府自律得多,因為 新加坡 知道,如果要真係保證國家安全,果啲法律好多時只能備而不用,或者去到非常時候至攞嚟用,正常時候就用一般刑事法律處理問題。

所以我話依家港獨派,或親英派最需要學習,係國際事務上嘅實務操作經驗,呢啲唔可以齋吹,有必要果陣,係要搵機會落場試吓,所以有英美國籍嘅人,應該係落場打一場,當然,如果你係親共嘅話,英美政府都唔係傻,涉及國家安全果啲嘢都唔會到你玩,或者膠到李梓敬咁,就真係做過國會議員實習生都唔會幫到佢,有啲野係人膠無藥醫。

所以如果係有志香港嘅未來嘅志士,學習嘅方向係日本嘅坂本龍馬,或 新加坡 人民行動黨創黨果班友嘅態度,而唔係聽啲神智不清,連自己講乜都唔知嘅所謂激進派亂吹廿四,你聽佢地亂吹真係浪費光陰。今日 新加坡 嘅成果,係2007-2008左右, 新加坡 開始積極研究北韓問題開始,儘管北韓地理位置上,其實同南洋好似一啲關係都無咁。台上一席話,台下十年功,今日 新加坡 嘅風光,係 新加坡 人值得得到,你估香港咩,成班真係無國際視野嘅茂利,學人鬧年青,叫梁錦松返去食屎。

發表迴響

你的電子郵件位址並不會被公開。 必要欄位標記為 *